MKUTANO WA KIMATAIFA WA WATAALAMU WA AFYA MOYO KUFANYIKA DAR ES SALAAM, 4 HADI 6

Na Brigiter DAR ES SALAAM – Mkutano wa Kimataifa wa Wataalamu wa Afya ya Moyo unaojulikana kama Heart Team Africa CardioTan Imaging 2026 International Scientific Conference unatarajiwa kufanyika kuanzia Juni 4 hadi 6, 2026 katika ukumbi wa mikutano wa Blue Sapphire Hall, Dar es Salaam.
Akizungumza na waandishi wa habari, Mkurugenzi Mtendaji wa Taasisi ya Moyo ya Jakaya Kikwete, Dk. Peter Kisenge, amesema mkutano huo utawakutanisha wataalamu wa afya ya moyo kutoka ndani na nje ya nchi kwa lengo la kujadili maendeleo ya matibabu ya magonjwa ya moyo, kubadilishana uzoefu wa kitaalamu pamoja na kutoa huduma za matibabu kwa wagonjwa wenye changamoto za moyo. Amesema mkutano huo una manufaa makubwa kwa sekta ya afya na Watanzania kwa ujumla, kwani pamoja na kuimarisha huduma za matibabu, pia utatoa fursa ya kutangaza utalii wa tiba na uwekezaji uliofanyika katika sekta ya afya nchini.
“Mkutano huu utachangia kukuza ubora wa huduma za afya ya moyo nchini na wakati huo huo kuleta fursa za kiuchumi kupitia utalii wa tiba na uwekezaji katika sekta ya afya,” “Tunatarajia mkutano huu kuwa jukwaa muhimu la kubadilishana maarifa na teknolojia mpya za matibabu ya moyo, huku ukitangaza mafanikio ya Tanzania katika utoaji wa huduma za afya,” amesema Dk. Kisenge. Kwa upande wake, Mwenyekiti wa Kamati ya Maandalizi ya Mkutano huo, Dk. Idd Lemah, amewataka wataalamu mbalimbali wa afya kushiriki mkutano huo ili kunufaika na mijadala ya kitaalamu itakayolenga kuboresha huduma za matibabu ya magonjwa ya moyo.
Naye Mwenyekiti wa Kamati ya Kisayansi ya Mkutano huo, Dk. Tatizo Waane, amesema mkutano huo unatarajiwa kuwa miongoni mwa mikutano mikubwa zaidi ya afya ya moyo barani Afrika, ukikusanya wataalamu wa afya, watafiti na wadau wa sekta ya afya kutoka mataifa mbalimbali. "Kupitia mkutano huo, Watanzania watanufaika si tu kwa upande wa afya, bali pia kiuchumi kutokana na ongezeko la wageni na shughuli mbalimbali zitakazoambatana na mkutano huo." amesema Dk. Waane.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more