AM NEWS ONLINE

Washiriki 20 watinga kambini Bongo Star Search DAR ES SALAAM: WASHIRIKI 20 kutoka Kenya Uganda Congo na Tanzania waliochaguliwa kutoka mikoa mbalimbali ya Tanzania pamoja na nchi kadhaa za Afrika Mashariki na Kati wamewasili rasmi kambini katika ufukwe wa Ndege Beach jijini Dar es Salaam kuanza safari yao ya kutwaa ushindi vipaji la Bongo Star Search (BSS). Akizungumza na waandishi wa habari katika ofisi za Azam Media jijini Dar es Salaam, Mkurugenzi wa Benchmark Production na muandaaji wa shindano hilo, Rita Paulsen, amesema msimu wa mwaka huu umebeba ushindani mkubwa zaidi kutokana na kiwango cha juu cha vipaji vilivyojitokeza wakati wa usaili. Rita amesema kundi hilo linajumuisha Watanzania 10, Wakenya watatu, Waganda wawili, Wakongo watatu, pamoja na kundi moja la wachezaji wa dansi na mchekeshaji mmoja kutoka Mbeya. “Washiriki wa mwaka huu wana viwango vya juu sana. Kuna tofauti kubwa ukilinganisha na misimu iliyopita, jambo linaloonesha ukuaji wa sekta ya buruda...

“Hakuna Mwenye Uhakika wa Kuiona 2030” Steve Nyerere Atoa Onyo kwa Wanasiasa MSANII na Mwenyekiti wa Taasisi ya Mama Ongea na Mwanao, Steve Nyerere, amekemea tabia ya baadhi ya watu kuanza kujadili na kupanga viongozi wa uchaguzi wa mwaka 2030, akisema hakuna mwenye uhakika wa kufika mwaka huo isipokuwa kwa mapenzi ya Mwenyezi Mungu. Akizungumza kuhusu mwenendo wa kisiasa unaoendelea nchini, Steve Nyerere amesema vijana wengi wa Kitanzania hawana muda wa kufikiria nani atakuwa Rais mwaka 2030, bali wanahitaji kuona maendeleo ya kweli yanayogusa maisha yao ya kila siku. “Watu wanaanza kupanga viongozi wa 2030 kana kwamba wana uhakika wa kuifikia siku hiyo. Maisha ni mafupi na yote yako mikononi mwa Mungu,” amesema Steve Nyerere. Aidha, amesema vijana wengi wanachohitaji kwa sasa ni ajira, elimu bora, mazingira mazuri ya biashara pamoja na huduma muhimu za kijamii, badala ya siasa zisizoleta manufaa kwa wananchi. Steve Nyerere amesisitiza kuwa viongozi na wadau wa siasa w...

IZO Motors Yazindua Betri za Kisasa, Zaajiri Zaidi ya Vijana 50 Kampuni ya IZO Motors Company Limited imesema imeendelea kuchangia kukuza ajira kwa vijana baada ya kutoa ajira kwa zaidi ya vijana 50 kupitia shughuli zake za uuzaji na usambazaji wa betri pamoja na matairi kwa jumla na rejareja. Akizungumza na waandishi wa habari leo Mei 12, 2026, Mkurugenzi Mkuu wa kampuni hiyo, Izo Mahenge, alisema kampuni hiyo imezindua rasmi betri mpya za izo Battery, ambazo zimetengenezwa kwa teknolojia ya kisasa na ubora wa hali ya juu kwa matumizi mbalimbali. Mahenge amesema betri hizo zimeandaliwa kwa uwezo mkubwa wa kuhifadhi na kutoa nguvu, huku zikidumu kwa muda mrefu katika mazingira tofauti ya matumizi. “Tumetengeneza betri hizi kwa kuzingatia viwango vya ubora wa hali ya juu ili kuhakikisha mtumiaji anapata bidhaa yenye ufanisi mkubwa. Biashara ni ushindani, hivyo tumejikita zaidi katika ubora na utofauti wa bidhaa yetu,” amesema Mahenge. Aidha, alieleza kuwa betri hizo zinazali...

Benki ya CRDB kwa kushirikiana na CRDB Foundation imeendelea kuonesha dhamira yake ya kuwawezesha vijana kiuchumi baada ya kuchagua vijana zaidi ya 458 kuingia katika awamu ya kwanza ya mafunzo maalumu ya biashara na teknolojia kupitia programu ya Go Green na Imbeju. Programu hiyo inalenga kuwajengea vijana uwezo katika biashara, huduma za kidijitali, uwekezaji pamoja na uchumi wa kijani ili kuwawezesha kujiajiri na kuchangia maendeleo ya taifa kupitia shughuli endelevu zinazolinda mazingira. Akizungumza kuhusu programu hiyo, Mkurugenzi Mtendaji wa CRDB Foundation, Tully Esther Mwambapa, amesema vijana waliofanikiwa wamepatikana baada ya kupitia mchakato wa uchambuzi uliofanywa na jopo la wataalamu kutoka taasisi mbalimbali za serikali na sekta binafsi. Mwambapa amesema vigezo vilivyotumika ni pamoja na ubunifu wa biashara, uwezo wa mradi kujiendesha pamoja na mchango wake katika kuhifadhi mazingira. Kwa upande wao, baadhi ya vijana walionufaika na mpango huo wameeleza kuwa...

Kakulu: elimu ya usalama itaokoa Maisha ya wananchi Na Brigitte DAR ES SALAAM: MBUNGE wa Jimbo la Mbagala, Burchard Kakulu amesema elimu ya usalama barabarani inayotolewa kwa waendesha bodaboda ni muhimu katika kuokoa maisha ya wananchi pamoja na kuchochea maendeleo ya taifa. Kakulu amesema hayo kwenye uzinduzi wa mwendelezo wa kampeni ya Usalama Daima chini ya Azam Mediai iliyofanyika katika viwanja vya Zakhiem Mbagala, Temeke Dar es Salaam, kampeni inayolenga kufika mitaani, wilayani, mikoani na nchi nzima kuhamasisha usalama barabarani kwa madereva wa bodaboda na watumiaji wa barabara kwa ujumla. “Katika maisha hata ungekuwa na maono mazuri, ndoto kubwa na mawazo mazuri kiasi gani, kama hauko salama kiafya havina maana yoyote. Elimu wanayopewa vijana hawa maofisa usafirishaji sio tu muhimu kwao bali hata sisi watumia huduma,” amesema Kakulu. Kwa upande wake, Meneja wa Mawasiliano na Mahusiano wa Azam Media⁠, Christina Korosso amesema kampeni hiyo inalenga kuhakikisha el...

CRDB Banki Yakutana na Wawekezaji, Yaweka Wazi Mafanikio ya 2025 na Mwelekeo wa 2026 Benki ya CRDB Bank imekutana na wawekezaji pamoja na wadau mbalimbali kwa lengo la kujenga ushirikiano imara na kuimarisha mahusiano ya kimkakati yatakayochochea ukuaji endelevu wa sekta ya fedha na uchumi kwa ujumla. Kupitia kongamano hilo, benki hiyo iliwasilisha mafanikio ya utendaji wake kwa mwaka 2025 pamoja na mwelekeo wake wa mwaka 2026, huku ikiendelea kusisitiza dhamira yake ya kuwahudumia wadau kwa ubora zaidi. Akizungumza baada ya kongamano hilo, Mwenyekiti wa Bodi ya Benki ya CRDB, Profesa Neema Mori, amesema benki hiyo imeendelea kutekeleza mpango mkakati wake kwa mafanikio, huku mwaka huu ukiwa ni mwaka wa nne wa utekelezaji wa mkakati huo. “Tumeleta pamoja wadau wetu ili kuwaeleza tumetoka wapi na tunakwenda wapi. Tumewasilisha mafanikio ya utendaji wetu wa mwaka 2025 pamoja na mwelekeo wetu wa mwaka 2026, lakini pia tumeshirikisha maono yetu ya kuendelea kuwahudum...

Mwili wa kijana James Temba ambaye aliuawa kisha mwili wake kukatwa kichwa, ukiwa ndani ya Kanisa la KKKT Tabata Magengeni jijini Dar es Salaam kwa ajili ya ibada ya kumuaga marehemu. Mwili wake ulikutwa kwenye Mto Msimbazi, eneo la Kipawa, Ilala jijini Dar es Salaam ukiwa hauna kichwa ambapo anatarajiwa kusafirishwa kwenda Moshi mkoani Kilimanjaro.

Serikali Yaongeza Fursa kwa Vijana Kupitia Ubunifu na Teknolojia Waziri wa Elimu, Sayansi na Teknolojia, Prof. Adolf Mkenda, amesema kuwa fursa kwa vijana nchini zinaendelea kuongezeka, hasa kwa wale wenye ubunifu na uwezo wa kubuni suluhisho za changamoto mbalimbali. Akizungumza katika uzinduzi wa IMBEJU – UDSM Startup Challenge 2026, Prof. Mkenda amesema kuwa programu hiyo ni sehemu muhimu ya juhudi za serikali katika kutekeleza ajenda ya kuwawezesha vijana kiuchumi kupitia ubunifu na teknolojia. Ameeleza kuwa kupitia mashindano hayo, vijana watapata nafasi ya kuendeleza mawazo yao ya kibiashara, kupata msaada wa kitaalamu pamoja na uwezeshaji utakaowasaidia kujenga maisha bora na kujiajiri. Aidha, amesisitiza kuwa serikali inaendelea kuwekeza katika elimu ya vitendo kupitia vyuo vya ufundi na vyuo vikuu, ili kuhakikisha wahitimu wanakuwa na ujuzi unaoendana na mahitaji ya soko la ajira. Kwa upande wake, Makamu Mkuu wa Chuo Kikuu cha Dar es Salaam, Prof. William Anan...

Jana Dar City, walipata heshima ya kualikwa Bungeni kushiriki katika usikilizaji wa bajeti ya Wizara ya Michezo, Sanaa, Utamaduni na Mawasiliano kwa mwaka wa fedha 2026/2027. Pia walipata nafasi maalum ya kukutana na kuzungumza na gwiji wa soka barani Afrika Didier Drogba, ambaye alitoa maneno ya kuwatia moyo kuelekea fainali za Basketball Africa League Finals zitakazofanyika Kigali mwishoni mwa mwezi huu.

CRDB Insurance yapata faida ya shilingi bilioni 4.4, kutoa gawio la shilingi 439 kila hisa Kampuni ya CRDB Insurance Company imetangaza kupata faida ya shilingi bilioni 4.4 baada ya kodi kwa mwaka wa fedha ulioishia Desemba 2025 ikipanda kutoka faida ya shilingi milioni 343.1 iliyopata mwaka 2024. Kutokana na mafanikio hayo, Bodi ya Wakurugenzi imependekeza kutoa gawio la shilingi 439 kwa kila hisa, sawa na jumla ya shilingi bilioni 1.5, huku ikionyesha imani ya kupata matokeo bora zaidi katika mwaka 2026. Katika kipindi hicho, Kampuni ilikusanya michango ya wateja waliokata bima (Gross Written Premium) yenye jumla ya thamani ya shilingi bilioni 55.7, ikiwa ni zaidi ya mara mbili ikilinganishwa na kiasi kilichokusanywa mwaka uliopita, ukuaji uliochangiwa na huduma zilizotolewa kwa wateja wa bima ya magari, dhamana ya mikopo na bima ya moto ukiungwa mkono na mikakati madhubuti ya usambazaji na kuongezeka kwa soko. Mkurugenzi Mtendaji wa CRDB Insurance Company, Wilson M...

Timu ya mpira wa kikapu ya Dar City ya Tanzania imepangwa kucheza na Petro De Luanda ya Angola katika hatua ya Robo Fainali ya michuano ligi ya Baskeball Afrika Timu ya mpira wa kikapu ya Dar City ya Tanzania imepangwa kucheza na Petro De Luanda ya Angola katika hatua ya Robo Fainali ya michuano ligi ya Baskeball Afrika (BAL) 2026.. Dar City na Petro De Luanda watacheza Mechi hizo za mtoano zinazotarajiwa kuchezwa Kigali, Rwanda kuanzia Mei 22 mpaka Mei 31,2026 ni Mabingwa wa michuano ya BAL 2024. Team ya Petro De Luanda nwalishawahi kuwa Mabingwa BAL na mwaka jana 2025 walicheza fainali…