IZO MOTORS YAZINDUA BETRI ZA KISASA AJIRA KWA VIJANA

IZO Motors Yazindua Betri za Kisasa, Zaajiri Zaidi ya Vijana 50 Kampuni ya IZO Motors Company Limited imesema imeendelea kuchangia kukuza ajira kwa vijana baada ya kutoa ajira kwa zaidi ya vijana 50 kupitia shughuli zake za uuzaji na usambazaji wa betri pamoja na matairi kwa jumla na rejareja. Akizungumza na waandishi wa habari leo Mei 12, 2026, Mkurugenzi Mkuu wa kampuni hiyo, Izo Mahenge, alisema kampuni hiyo imezindua rasmi betri mpya za izo Battery, ambazo zimetengenezwa kwa teknolojia ya kisasa na ubora wa hali ya juu kwa matumizi mbalimbali.
Mahenge amesema betri hizo zimeandaliwa kwa uwezo mkubwa wa kuhifadhi na kutoa nguvu, huku zikidumu kwa muda mrefu katika mazingira tofauti ya matumizi. “Tumetengeneza betri hizi kwa kuzingatia viwango vya ubora wa hali ya juu ili kuhakikisha mtumiaji anapata bidhaa yenye ufanisi mkubwa. Biashara ni ushindani, hivyo tumejikita zaidi katika ubora na utofauti wa bidhaa yetu,” amesema Mahenge. Aidha, alieleza kuwa betri hizo zinazalishwa hapa nchini Tanzania na zina uwezo mkubwa wa kufanya kazi kwa muda mrefu bila changamoto, huku akiwahamasisha Watanzania kujaribu bidhaa hiyo mpya. “Kampuni yetu pia inatoa huduma ya usambazaji wa bidhaa Tanzania nzima, mijini na vijijini, kwa haraka na uhakika kulingana na mahitaji ya mteja,” ameongeza. Kwa upande wake, Balozi wa izo Battery, Dotto Magari, alisema betri hizo ni za kisasa na tofauti na baadhi ya betri za zamani kwa kuwa hazitumii maji. Amesema teknolojia hiyo mpya inalenga kuwasaidia wafanyabiashara, mafundi magari, pamoja na watumiaji wa vyombo vya moto na mashine mbalimbali kupata betri zenye nguvu na zinazodumu kwa muda mrefu. “Hizi ni betri za kisasa ambazo hazitumii maji na zina uwezo mkubwa wa kuwasha magari, jenereta, mashine za kusaga na vifaa mbalimbali vya moto. Tunawaomba wafanyabiashara na mawakala wajitokeze kushirikiana nasi kusambaza bidhaa hizi,” amesema Dotto Magari. Ameongeza kuwa matumizi ya betri hizo yatawasaidia wananchi hasa maeneo ya vijijini kupata bidhaa bora yenye uimara na ufanisi mkubwa katika kazi zao za kila siku.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more