TANZANIA (JKCI) MWENYEJI WA MKUTANO MKUBWA WA KIMATAIFA WA AFYA YA MOYO

Tanzania kuwa kitovu cha Mkutano Mkubwa wa Kimataifa wa Afya ya Moyo 2026 Na Brighitte DAR ES SALAAM ZAIDI ya watafiti na wadau wa afya kutoka nchi zaidi ya 60 barani Amerika na Asia wanatarajiwa kukutana jijini Dar es Salaam katika Mkutano wa Kimataifa wa Heart Team Africa Cardio Imaging 2026, utakaofanyika kuanzia Juni 4 hadi 6, 2026. Akizungumza na waandishi wa habari jijini Dar es Salaam, Mkurugenzi Mtendaji wa Taasisi ya Moyo ya Jakaya Kikwete (JKCI), Dk. Peter Kisenge, amesema mkutano huo wa nne utafanyika katika Hoteli ya New Sapphire, Mbezi Beach, na unalenga kuimarisha ushirikiano wa kimataifa katika sekta ya afya, hususan magonjwa ya moyo.
Dk. Kisenge amesema mkutano huo utatumia mbinu za kisasa za uchunguzi na vipimo vya afya ya moyo, huku ukiwa pia fursa ya kuonesha maandalizi ya Tanzania katika kupokea wageni wa kimataifa, ikiwemo kuelekea mashindano ya AFCON.
“Kupitia mkutano huu tutashirikiana na taasisi mbalimbali za kimataifa ikiwemo za Andalusia, na kuifanya Afrika kuwa kitovu cha maarifa ya afya ya moyo. Huu ni mkutano wa kwanza wa aina yake barani Afrika unaotoa fursa kwa wataalamu chipukizi kujifunza, kujenga mitandao na kufundishana,” amesema Dk. Kisenge.
Ameongeza kuwa wananchi ndio wanufaika wakubwa wa mkutano huo kutokana na kuimarika kwa ujuzi wa wataalamu wa afya, na kutoa wito kwa wadau, wadhamini na wataalamu kujitokeza kushiriki. Akizungumzia hali ya magonjwa ya moyo nchini, Dk. Kisenge amesema tafiti zinaonesha kuwa kati ya watu elfu 26 waliopimwa, asilimia 9 walibainika kuwa na matatizo ya moyo, huku shinikizo la damu likitajwa kuwa sababu kubwa. Amesema mtindo mbaya wa maisha ikiwemo kutofanya mazoezi, uvutaji wa sigara na matumizi ya pombe ni miongoni mwa vichocheo vya magonjwa ya moyo, akisisitiza kuwa kubadili mtindo wa maisha kunaweza kupunguza kwa kiasi kikubwa changamoto hiyo.
Kwa upande wake, Daktari Bingwa wa Magonjwa ya Moyo kwa Watoto na Mkurugenzi Mkuu wa Tiba Shirikishi, Dkt. Nice Majani, amesema ongezeko la magonjwa ya moyo linaonekana zaidi kwa sasa kutokana na kuimarika kwa uwezo wa ndani wa kuyagundua mapema. “Kwa sasa kila watoto 100, mmoja anagundulika kuwa na tatizo la moyo. Zaidi ya watoto 1,000 huzaliwa kila mwaka wakiwa na matatizo ya moyo yanayohitaji upasuaji,” amesema Dkt. Majani. Ameeleza kuwa matatizo ya moyo kwa watoto yanaweza kuwa ya kuzaliwa au kusababishwa na mazingira, akitaja lishe duni kwa mama mjamzito, ukosefu wa folic acid, matumizi ya pombe, sigara na dawa bila ushauri wa kitaalamu kuwa ni miongoni mwa sababu kuu. Aidha, historia ya magonjwa ya moyo katika familia pia huchangia.
Naye Mwenyekiti wa Kamati ya Mkutano wa Kimataifa wa Moyo, Dkt. Tatizo Wane, amesema mkutano huo utaambatana na mafunzo ya matumizi ya akili mnemba (AI) katika uchunguzi na ugunduzi wa magonjwa ya moyo, huku wataalamu kutoka taasisi mbalimbali ikiwemo JKCI, Hospitali ya Benjamin Mkapa na Muhimbili wakishiriki. Kwa upande wake, Catherine Malika amesema mikutano ya kitaalamu ni fursa muhimu ya kuongeza ujuzi na kuboresha uwezo wa wataalamu, akiwahimiza wataalamu wa afya kujisajili na kushiriki mkutano huo ili kujifunza zaidi kuhusu teknolojia mpya zinazotumika katika sekta ya afya. Naye Daktari wa Moyo, Engerasia Kifai, amesema uwekezaji mkubwa uliofanywa na Serikali katika sekta ya afya unahitaji wataalamu kuendelea kujifunza ili kutumia kikamilifu vifaa vya kisasa vilivyopo. “Mkutano huu utasaidia kubadilishana uzoefu na kuongeza ujuzi. Ni wakati wa wataalamu wa moyo kuungana, kuanzisha jumuiya imara itakayosaidia kugundua magonjwa kwa haraka na kuokoa maisha,” amesema Dkt. Kifai.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more