CRDB YATENGA Sh450 MILIONI KUFANIKISHA BUNGE GRAND BONANZA 2026

Dar es Salaam. Benki ya CRDB imekabidhi vifaa vya michezo na zawadi zitakazotolewa kwa washindi wa CRDB Bank Bunge Grand Bonanza litakalofanyika Juni 20, 2026 katika Uwanja wa Jamhuri, mkoani Dodoma, huku Spika wa Bunge la Jamhuri ya Muungano wa Tanzania, Mheshimiwa Mussa Azzan Zungu, akitarajiwa kuwa mgeni rasmi. Akizungumza wakati wa makabidhiano hayo leo, Mkurugenzi wa Mawasiliano wa Benki ya CRDB na Mkurugenzi Mtendaji wa CRDB Bank Foundation, TullyEsther Mwambapa, amesema benki hiyo imetenga jumla ya Sh450 milioni kufanikisha bonanza hilo ambalo mwaka huu litakuwa na ushiriki wa mabalozi wanaoziwakilisha nchi zao nchini Tanzania. Amesema ushirikiano wa muda mrefu kati ya Benki ya CRDB na Bunge la Jamhuri ya Muungano wa Tanzania haujajikita katika utoaji wa huduma za kifedha pekee, bali pia katika kuunga mkono maendeleo ya jamii kupitia shughuli mbalimbali za kijamii. "Ushirikiano wetu hauishii kwenye huduma za fedha pekee bali unaimarishwa zaidi kupitia shughuli za kijamii na maendeleo ya wananchi, ikiwamo utekelezaji wa Programu ya Imbeju inayosimamiwa na CRDB Bank Foundation yenye lengo la kukuza elimu ya fedha, kujenga uchumi jumuishi na kuwawezesha wananchi kupata mitaji," amesema Mwambapa. Katika hafla hiyo, Mwambapa alimkabidhi Mwenyekiti wa Bunge Bonanza, Mbunge Festo Sanga, vifaa mbalimbali vya michezo ikiwamo trakisuti 1,000, fulana 1,000, seti mbili za jezi za mpira wa miguu, seti mbili za mpira wa pete, seti nne za mpira wa kikapu, seti nne za mpira wa wavu, pamoja na kofia 1,000, medali 1,200 na makombe tisa.
Akipokea vifaa hivyo, Sanga amesema bonanza hilo litaanza kwa matembezi ya pamoja kabla ya kuendelea na michezo ya bao na karata, huku jioni timu za wabunge zikitarajiwa kucheza dhidi ya mabalozi katika mpira wa miguu. Aidha, katika mpira wa pete na mpira wa kikapu, wabunge watavaana na wafanyakazi wa Benki ya CRDB. "Mchezo ni afya, hivyo tunawaalika Watanzania wote kujitokeza kushiriki na kuwashabikia wabunge pamoja na viongozi wao, huku wakijifunza umuhimu wa kufanya mazoezi kwa ajili ya afya bora," amesema. Sanga ameishukuru Benki ya CRDB kwa mchango wake mkubwa katika kufanikisha bonanza hilo na kuendelea kuunga mkono maendeleo ya michezo nchini.
"Ushirikiano huu ni mfano mzuri wa namna sekta binafsi na taasisi za umma zinavyoweza kushirikiana kuhamasisha michezo, kujenga afya njema na kuimarisha umoja miongoni mwa viongozi na wananchi," amesema. Akizungumzia umuhimu wa diplomasia ya michezo, Sanga amesema uzoefu alioupata aliposhiriki mbio za CRDB Bank Marathon nchini Burundi na Jamhuri ya Kidemokrasia ya Kongo (DRC) umeonyesha jinsi michezo inavyoweza kuunganisha watu wa mataifa mbalimbali. "Mbio hizi zimeonyesha nguvu ya diplomasia ya michezo katika kuwaleta pamoja watu wa mataifa tofauti bila kujali hali zao za kiuchumi. Ndiyo maana mwaka huu tumewaalika mabalozi kushiriki Bunge Grand Bonanza ili kupanua ushirikiano na kuimarisha mahusiano ya Tanzania na mataifa mengine kupitia michezo," amesema.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more