DAR CITY USO KWA USO NA JKT

TIMU ya mpira wa kikapu ya JKT leo Juni 17, 2026 itashuka dimbani kuikabili Dar City katika mchezo wa Ligi ya Mkoa wa Dar es Salaam utakaochezwa kwenye Uwanja wa Don Bosco Oysterbay (Mbuyuni) kuanzia saa 2:00 usiku. - JKT wanaingia kwenye pambano hilo wakiwa nafasi ya pili kwenye msimamo wa ligi wakiwa na alama 11 baada ya kucheza michezo saba. Katika michezo hiyo, wamefanikiwa kushinda minne huku wakipoteza mitatu. - Kwa upande wa Dar City, mabingwa hao wa Ligi ya Mkoa wa Dar es Salaam wamecheza michezo mitatu pekee kutokana na kuwa katika majukumu ya kuiwakilisha Tanzania kwenye mashindano ya Basketball Africa League (BAL) yaliyofanyika nchini Rwanda wakati ligi ikiendelea.
- Licha ya kucheza michezo michache, Dar City wameanza vizuri kampeni yao ya ligi kwa kushinda michezo yote mitatu waliyoicheza na kujikusanyia alama sita, hali inayowafanya kuwa miongoni mwa timu zinazofuatiliwa kwa karibu katika mbio za ubingwa.
- Wakati huo huo, mchezo mwingine wa ligi hiyo utawakutanisha Pazi dhidi ya UDSM Outsiders. Mchezo huo utachezwa katika uwanja huo huo wa Don Bosco Oysterbay kuanzia saa 12:00 jioni. Mashabiki wa mpira wa kikapu wanatarajiwa kujitokeza kwa wingi kushuhudia michezo hiyo miwili muhimu katika harakati za timu mbalimbali kusaka pointi za kujiimarisha kwenye msimamo wa ligi.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more