EWURA YAPIGA MARUFUKU KUKATWA MAJI WEKENDI

 


Na Brigitte Davis

MAMLAKA ya Udhibiti wa Huduma za Nishati na Maji (EWURA), imesema ni  marufuku kwa mamlaka za maji nchini kukata maji mwishoni mwa wiki kwasababu kufanya hivyo ni kama unyanyasaji.

Hayo yamesemwa Dar es Salaam leo  na Meneja Mawasiliano na Uhusiano wa Umma  wa EWURA, Titus Kaguo kwenye semina kwa Chama cha Wafanyakazi wa Vyombo vya habari nchini (JOWUTA).

Amesema kitendo cha mtu kukatiwa maji kuanzia Ijumaa saa 12  jioni au Jumamosi na Jumapili hairuhusiwi kiutaratibu na kiudhibiti. 

"Mtu anayefanya hivyo asifanye tena kwasababu anaweza kuchukuliwa hatua za kisheria ili kuwajibika kwa kile anachokifanya,"amesema.

Amesema Watanzania wajenge utamaduni wa kusoma mikataba ya huduma kwa wateja kwani inawapa wajibu wa wao wafanye nini na mamlaka zifanye nini.

Kaguo amesema mamlaka zimekuwa hazihamasishi mikataba hiyo ili Watanzania wasiibuke na kuanza kudai haki zao.

Pia, amesema  kuwa wakati wa usomaji wa mita za maji, ofisa wa mamlaka ya maji hapaswi kuisoma akiwa mwenyewe na badala yake anatakiwa kusubiri wenye nyumba.


Amesema  hali hiyo imekuwa ikileta malalamiko mbalimbali kuhusu kubambikiwa bili za maji kutokana na kutohusika wakati wa usomaji wa mita.


‘’Ni lazima awepo mtu wakati wa kusoma mita za maji na baada ya kusoma mteja atumiwe ujumbe mfupi wa maandishi kwa njia ya simu na baada ya siku tatu ndio atumiwe bili,’’ amesema.


Alifafanua kuwa sababu za kutoa siku tatu kabla ya kutuma bili ni kutoa nafasi kwa wateja kama wanaridhika na taarifa waliyopata au kama wana malalamiko waweze kuyawasilisha kabla ya kutumiwa bili.


Kaguo amesema si sahihi kwa wafanyakazi wa mamlaka hizo kutuma bili za miezi ya nyuma ikiwa mteja ameshalipa bili za mbele.


Kadhalika, amesema wateja wa maji wana haki ya kupata taarifa kuhusu huduma za maji zinazotolewa na mamlaka husika ikiwemo ukataji wa maji kutokana na hitilafu mbalimbali.

Katibu Mkuu wa Jowuta Seleman Msuya amesema elimu waliyotoa Ewura inawafanya waandishi wa habari kwenda kuwa mabalozi wa kutoa habari sahihi zinazohusiana na Ewura na kuwasaidia wananchi.

Ameomba Ewura kuendelea kuwafikia wanachama wa Jowuta wa mikoani ili na wao waweze kunufaika na hatimaye washiriki kikamilifu kuelimisha wananchi mambo mbalimbali yanayohusu mikataba. 


Mwisho




Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more