KAMPUNI YA JAN INTERNATIONAL IMETUNZA WATEJA WAKE


Kampuni ya kuuza magari ya Jan international Ltd imewatunza wateja wake  wanne gari, pikipiki, jokofu na simu ikiwa ni sehemu  ya kurudisha kwa jamii na kuwashukuru kwa kuwaunga mkono.

Washindi hao wametokana na droo waliyoichezesha juzi baada ya kampeni ya kuendesha zoezi hilo iliyofanyika kwa zaidi ya mwezi mmoja kwa kukusanya karasi walizopewa wajaze watu wote waliokwenda kununua magari kwenye kampuni hiyo.




Washindi hao ni Edwin Godwin alishinda gari aina ya Harrier anaconda, Harun Rajabu alishinda pikipiki, Agnes Nganile alishinda jokofu na tv inchi 52 na Issa Tambuu alishinda simu aina ya Iphone 16 pro max.


Mshindi wa gari Godwin alisema ametoka kununua gari mwezi uliopita na wakati anapewa karatasi ajaze hakuamini alikuwa anaona kama anapoteza muda wake akiamini huwa wanachaguliwa na kueleza furaha yake baada ya kuona ni kweli.

"Mwanzoni sikuamini kumbe ni kweli, nashukuru sana Jan kwa kututhamini wateja wao msimu huu wa sikukuu mmetutia moyo na kutuhamasisha kuendelea kuwa wateja wenu,"alisema baada ya kupigwa simu aje kwa kuwa hakuwepo wakati anatangazwa.


Kwa upande wake, Haruni  aliyepata pikipiki ya boxer alisema atatumia chombo hicho kama usafiri wake wa kwenda kwenye shughuli zake huku Agnes akisema yeye hakutegemea kushinda anamshukuru Mungu kwa zawadi hiyo.


Mtendaji Mkuu wa kampuni hiyo Ally Akibar aliwapongeza washindi wote na kusema hicho walichokifanya msimu huu wa sikukuu watakiendeleza na mwakani ambapo wataongeza idadi ya zawadi ya magari ili washindi wawe wengi.


Pia, katika kusherehekea sikukuu za kristmas na mwaka mpya msimu huu  wametangaza  punguzo la asilimia 50 kwa magari 500 na kuwahimiza wateja wao kutumia muda huu kabla ofa hiyo haijaisha.


Miongoni mwa mashuhuda waliokuwa wakizungusha gurudumu la droo hiyo ni mastaa wa michezo na burudani bondia Mfaume Mfaume aliyesema:" Ni vizuri makampuni kuwathamini wateja wao umeona kuna waliopata gari, pikipiki na zawadi nyingine na hata watu wengine wanaofuatilia au wamepanga kununua gari wakiona Jan international inavyothamini wateja wao inatia moyo,"


Rapa Fareed Kubanda 'Fid Q' alisema ameona wenye bahati zao watakwenda kusherehekea sikukuu wakiwa na furaha na kwamba  amejifunza na kuhamasika kuwa akinunua gari pengine hapo ni mahali sahihi kwasababu ataingizwa kwenye droo na kuweza kupata gari na zawadi mbalimbali.


Hamad Seneda 'Madee' alisema amepata funzo kwamba ndoto ambazo wengi wanaotaka sio za uongozi tu lakini ghafla mtu anapigiwa simu anaambiwa aje achukue gari ni jambo linalofurahisha na kuzihimiza kampuni nyingine kuiga kwa ajili ya kuthamini wateja wao.


Mwisho

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more