JK AONGOZA MAHAFALI YA 55 (DURU LA PILI) YA CHUO KIKUU CHA DAR ES SALAAM UKUMBI WA MLIMANI CITY JIJINI DAR

UDSM yamtunuku Dkt. Maria Kamm Shahada ya Heshima kutokana na mchango wake katika elimu nchini DAR ES SALAAM MKUU wa Chuo Kikuu cha Dar es Salaam ambaye ni Rais Mstaafu wa Awamu ya Nne, Dkt. Jakaya Mrisho Kikwete, ametunuku Shahada za Awali, Stashahada na Astashahada kwa wahitimu katika Mahafali ya 55 (Duru la Pili) ya chuo hicho kikongwe kuliko vyote nchini. Jumla ya wahitimu 2,742 walihudhurishwa kwenye mahafali hayo yaliyofanyika kwenye Ukumbi wa Mlimani City, jijini Dar es Salaam.
katika hatua nyingine Chuo Kikuu cha Dar es Salaam (UDSM) kimemtunuku Digrii ya Heshima ya Udaktari wa Fasihi Mwasisi na Mwenyekiti wa Taasisi ya Mama Clementina, Dkt. Maria Josephine Kamm, kutokana na mchango wake mkubwa na wa muda mrefu katika kuendeleza elimu nchini. Tuzo hiyo imetolewa leo, Novemba 18, 2025, wakati wa mahafali ya 55 ya UDSM yaliyofanyika katika ukumbi wa Mlimani City, yakihudhuriwa na maelfu ya wahitimu, wazazi na wageni waalikwa. Akizungumza baada ya kutunukiwa, Dkt. Kamm amesisitiza umuhimu wa kumwezesha mtoto wa kike kupata elimu bora, amesema hatua hiyo hubadilisha si maisha ya mtu mmoja pekee, bali pia jamii nzima na hata taifa kwa ujumla.
“Kumuelimisha msichana ni kuijenga familia, jamii na taifa. Elimu ni injini ya mageuzi ya kijamii,” amesema. Ameeleza kuwa elimu inapaswa kuwa ya vitendo na inayomuandaa kijana kuishi kwa heshima, kutatua changamoto za maisha pamoja na kuchangia maendeleo ya jamii. Aidha, amepongeza juhudi zinazofanywa na taasisi mbalimbali katika kuhamasisha elimu ya kujiamini na ubunifu. Dkt. Kamm, kupitia Taasisi ya Mama Clementina, amekuwa mstari wa mbele katika ujenzi wa miundombinu ya shule, kuwezesha watoto wa kike kupata fursa za masomo na kuhamasisha ushiriki wa wanawake katika sekta ya elimu. Kwa upande mwingine, amewataka wahitimu kutokata tamaa wanapokutana na vikwazo katika safari yao ya kutafuta mafanikio. “Elimu yenu ndiyo nguvu yenu. Itumieni kwa uadilifu na malengo makubwa, na msisahau mizizi yenu,” amesisitiza. Katika hotuba yake, Makamu Mkuu wa Chuo, Prof. William Anangisye, amesema UDSM imepitia jumla ya mitaala zaidi ya 250, ambapo mitaala 242 ya Shahada ya Awali na Uzamili tayari imewasilishwa TCU kwa ajili ya uthibitisho. “Hadi sasa mitaala 49 imepata ithibati kwa mwaka wa masomo 2025/2026,” amesema. Ameongeza kuwa chuo kimewezesha kutambuliwa kwa bunifu zaidi ya 120 na kusajili kampuni changa 39 ambazo ni zao la ubunifu wa wanafunzi na wahadhiri, ikiwa ni sehemu ya kukuza ujasiriamali nchini. Kuhusu mafunzo ya ubunifu na ujasiriamali, Prof. Anangisye amesema UDSM imetoa mafunzo hayo kwa wanafunzi 569, wakiwemo wanafunzi 65 wenye ulemavu, jambo ambalo linadhihirisha dhamira ya chuo kujenga mazingira jumuishi kwa maendeleo endelevu. Jumla ya wahitimu 2,742 walihudhurishwa kwenye mahafali hayo yaliyofanyika kwenye Ukumbi wa Mlimani City, jijini Dar es Salaam. Kati ya wahitimu hao, wanawake ni 1,510 sawa na asilimia 55.0, huku wanaume wakiwa 1,232. Gen Z watupu! Mwisho

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more