SAMIA CUP 2025 YAZINDULIWA RASMI ZAWADI NONO KUTOLEWA

Samia Netball Cup 2025 yazinduliwa rasmi: zawadi nono kumnufaisha mwanamke kupitia michezo
Mashindano ya mpira wa netball kwa Mkoa wa Dar es Salaam yanayojulikana kama Samia Cup 2025 yamezinduliwa rasmi leo. Akizungumza na Habari Leo, mwandaaji wa mashindano hayo ambaye pia ni Mtendaji Mkuu wa Twende Pamoja na Mama Spoti Promotion, Kasimu Ahmad, amesema kuwa lengo la mashindano haya ni kutoa fursa kwa wanawake na mabinti kushiriki katika michezo ya netball huku wakipata nafasi ya kujiimarisha kiafya na kiuchumi.
“Kumekuwa na michezo mingi lakini kwa wakati huu tumeona ni muhimu kuja na mashindano ya netball kwa kuwa wanawake pia wanastahili jukwaa la kuonesha vipaji vyao. Ni sehemu ya kumuunga mkono Rais Samia kwa juhudi zake katika kuinua wanawake kupitia michezo,” amesema Kasimu. Katika mashindano hayo, mshindi wa kwanza atazawadiwa Shilingi Milioni 5, kombe na medali. Mshindi wa pili atapata Shilingi Milioni 3 na medali, huku mshindi wa tatu ataondoka na Shilingi Milioni 1 na laki tano. Mshindi wa nne naye atajinyakulia Shilingi laki tano. Mbali na zawadi hizo, mfungaji bora atapewa zawadi ya Shilingi laki mbili, na kikundi bora cha hamasa kitapewa zawadi maalum kama njia ya kutambua mchango wao katika kuhamasisha mashabiki na timu. Kwa upande wake, nahodha wa timu ya Konfoti, Prisca Godlove, aliishukuru serikali kupitia Rais Samia kwa kuandaa mashindano haya yanayowapa wanawake jukwaa la kujiajiri kupitia michezo. “Tunamshukuru mama Samia kwa kuona thamani ya wanawake katika michezo. Sisi tupo tayari kujiajiri kupitia fursa hizi,” amesema Prisca. Mchezaji kutoka timu ya Ulipo Tupo, Magreth Elia, alitoa wito kwa vyombo vya habari kuendelea kuutangaza mchezo wa netball ili kuutangaza zaidi kwa vizazi vya sasa na vijavyo. “Vyombo vya habari viendelee kutangaza netball ili watoto wa kike wawe na mifano ya kuigwa na wachangamkie michezo hii,” amesema Magreth.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more