TAMWA WAZINDUA MRADI WA UFUGAJI NYUKI

TAMWA yazindua mradi wa ufugaji wa nyuk CHAMA cha Wanawake Waandishi wa Habari Tanzania (TAMWA) kimeanzisha mradi mpya wa ufugaji wa nyuki katika kijiji cha Msufini, Wilaya ya Kibaha, Mkoa wa Pwani, kwa lengo la kukuza uchumi wa jamii na kulinda mazingira dhidi ya athari za mabadiliko ya tabianchi. Akizungumza katika mafunzo maalum ya ufugaji wa nyuki kwa wanachama wa TAMWA, Mkurugenzi Mtendaji wa chama hicho, Dkt. Rose Reuben amesema mradi huo unalenga kuwezesha wakazi wa Msufini kupata chanzo mbadala cha mapato kwa njia endelevu, salama na rafiki kwa mazingira.
“Tunatarajia kuwa na mizinga 200 ya nyuki katika awamu ya kwanza. Licha ya kuongeza kipato kwa familia, mradi huu utachochea uhifadhi wa mazingira kupitia matumizi ya nyuki katika misitu na bustani. Ni wakati sasa wa kuunganisha ajira, mazingira na afya ya jamii kwa njia moja,” amesema Dkt. Reuben. Kwa mujibu wa takwimu za mwaka 2023, Tanzania huzalisha tani 20 tu za asali kwa mwaka, kiwango ambacho hakitoshelezi mahitaji ya ndani. Hali hiyo imeifanya TAMWA kuona fursa ya kuwekeza kwenye sekta ya ufugaji wa nyuki kama suluhisho la kiuchumi na kijamii.
Dkt. Reuben alibainisha kuwa tayari wameanza kujenga ushirikiano na taasisi kama Wakala wa Huduma za Misitu Tanzania (TFS) ili kusaidia kwa utaalamu na vifaa. “Tunaendelea kuwaomba wafadhili wajitokeze kuunga mkono juhudi hizi ili kupanua mradi na kuwafikia walengwa wengi zaidi,” ameongeza. Matarajio ni kuanza rasmi kwa utekelezaji wa mradi mwezi Agosti 2025, baada ya kukamilika kwa mafunzo ya awali na usambazaji wa mizinga na vifaa vya msingi kwa wanufaika. Kwa upande wake, Afisa Nyuki Christina Samweli amewafundisha washiriki jinsi ya kutambua asali halisi. “Asali halisi inaweza kuhifadhiwa hadi miaka miwili bila kuharibika. Unaweka maji kwenye chupa, kisha unamimina asali. Ikiwa asali inazama chini, hiyo ni halisi. Ikiwa inapanda juu, basi siyo halisi,” ameeleza.
Afisa Michechemuzi wa TAMWA, Florence Majani aliongeza kuwa mradi huu una malengo ya kuwawezesha wanawake na vijana kujiajiri, kuongeza kipato cha kaya, na kuimarisha ushirikiano kati ya jamii na mashirika yanayosaidia maendeleo. “Faida za mradi huu ni nyingi – ajira, uzalishaji wa asali, uhifadhi wa mazingira na kujenga jamii yenye maarifa ya kutumia rasilimali asilia kwa uendelevu,” amesema Majani. Kwa jamii ya Msufini, nyuki sasa si tishio tena, bali ni tumaini jipya la maendeleo.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more