NANCY SUMARI: MREMBO ANAYELETA MAPINDUZI SEKTA YA ELIMU KALIMANI APP

Nancy Sumari: Kutoka Urembo hadi Mapinduzi ya Elimu ya Kidijitali kwa Watoto Viziwi
WENGI wanamkumbuka Nancy Sumari kama mrembo aliyewahi kutwaa taji la Miss Tanzania 2006 na baadaye kutangaza jina la nchi kimataifa kupitia Miss World Africa.
Lakini leo, anajitokeza upya si kwa urembo bali kwa mapinduzi makubwa katika sekta ya elimu jumuishi kupitia teknolojia.
Kupitia kampuni yake ya JengaHub, Nancy amezindua rasmi Kalimani App, jukwaa la kidijitali linalolenga kuwasaidia watoto wenye ulemavu wa kusikia kujifunza kwa urahisi zaidi, popote walipo.
Teknolojia Inayogusa Maisha Akizungumza na Amonline jijini Dar es Salaam, Nancy alisema kuwa programu hiyo imetengenezwa kwa kusaidia watoto viziwi.
“Kalimani App inatumia lugha ya alama ya Tanzania kufundisha kusoma, kuandika na kuhesabu, pamoja na kuwajengea watoto ujuzi wa kidijitali,” ameeleza.
Programu hiyo inatarajiwa kuanza kutumika katika shule za kawaida na maalum katika mikoa sita nchini, hatua inayolenga kupunguza pengo la elimu kwa watoto wenye mahitaji maalum.
Kutambulika Kimataifa Ubunifu huo tayari umeanza kuipa Tanzania heshima duniani.
Februari 2026, Nancy alishinda tuzo ya ubunifu kutoka Zero Project nchini Austria, tuzo iliyotolewa jijini Vienna.
Kalimani App ilichaguliwa miongoni mwa miradi bora inayochochea elimu jumuishi duniani, ikiiwakilisha Tanzania kwenye jukwaa la kimataifa. Ushirikiano wa Ndani Kuimarisha Elimu Maendeleo ya programu hiyo yamehusisha ushirikiano wa karibu na taasisi mbalimbali ikiwemo Child Support Tanzania na Kyaro Assistive Tech, pamoja na wadau wakuu wa elimu nchini.
Kupitia ushirikiano na Taasisi ya Elimu Tanzania (TET), maudhui ya Kalimani App yameandaliwa kwa kuzingatia mitaala rasmi ya elimu. “Tulishirikiana na walimu na wataalamu wa elimu kuhakikisha tunakidhi mahitaji halisi ya watoto viziwi,” amesema Nancy.
Maboresho ya Somo la Hesabu Katika hatua nyingine muhimu, TET kwa kushirikiana na JengaHub imeanza kuboresha maudhui ya somo la hesabu kwa wanafunzi wa darasa la kwanza hadi la tatu, kwa lengo la kuwajumuisha watoto viziwi katika mfumo wa elimu. Mkurugenzi Mkuu wa TET, Aneth Komba, alisema hatua hiyo inalenga kuhakikisha maudhui yanawafikia watoto wote bila ubaguzi. “Tunapitia na kuhuisha mitaala ili iweze kuwafikia watoto wenye ulemavu wa usikivu kwa ufanisi zaidi,” ameeleza.
Kupitia Kalimani App, watoto hao wataweza kujifunza hesabu kwa njia rafiki, kwa kutumia picha, video, sauti na vielelezo vinavyorahisisha uelewa. Mradi wa Kalimani Jitihada hizo zinaendeshwa chini ya mradi wa huo, unaolenga kutumia teknolojia kuboresha uwezo wa watoto wenye mahitaji maalum kumudu stadi za msingi za hesabu. Nancy alisisitiza kuwa lengo ni kuhakikisha hakuna mtoto anayebaki nyuma kielimu, sambamba na sera ya elimu jumuishi inayosisitizwa na serikali.
Safari ya Mabadiliko Kabla ya ubunifu huu wa kidijitali, Nancy pia alijikita katika uandishi wa vitabu vya watoto, ikiwemo Nyota Haiki, akilenga kuwahamasisha watoto kujisomea. Wazo la Kalimani App lilizaliwa baada ya kubaini changamoto kubwa kwa watoto viziwi kushindwa kufuatilia masomo darasani kutokana na ukosefu wa lugha ya alama.
Teknolojia Kama Suluhisho Nancy anaamini kuwa teknolojia ni daraja muhimu kati ya changamoto na suluhisho katika elimu. “Mwalimu na mzazi wanaweza kutumia mfumo huu bure kuboresha uelewa wa mtoto. Tuko tayari pia kutoa mafunzo ya matumizi yake,” amesema. Chachu ya Mabadiliko Kupitia Kalimani App, Nancy Sumari anaendelea kuthibitisha kuwa ubunifu wa Kitanzania unaweza kuleta mabadiliko makubwa ndani na nje ya nchi.
Zaidi ya kuwa suluhisho la elimu, jukwaa hilo linafungua milango ya fursa mpya kwa watoto viziwi katika dunia ya kidijitali likiwa ni hatua muhimu kuelekea Tanzania jumuishi zaidi. Wito kwa wazazi Nancy, ambaye pia ni mzazi, amesema teknolojia inaweza kuwa nyenzo muhimu ya kusaidia walimu na wazazi katika kuboresha uelewa wa watoto wenye mahitaji maalum darasani na nyumbani.
“Sisi kama wabunifu wa masuala ya teknolojia tumeona hii ni fursa ya kuweza kuwasapoti watoto viziwi. Mwalimu anayefundisha wanafunzi viziwi anaweza kutumia platform yetu ambayo ni bure kuweza kuimarisha uelewa wa masomo, kuimarisha ufahamu na ushiriki wa wanafunzi,” amesema.
Ametoa wito kwa wazazi na walimu kutumia fursa hiyo ya teknolojia kwa manufaa ya watoto, huku akisisitiza kuwa Jenga Hub iko tayari kutoa mafunzo ya namna ya kutumia mfumo huo.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more