WAZIRI KAPINGA AIPONGEZA CRDB KWA KUWAINUA WAJASIRIAMALI

Waziri Kapinga aipongeza CRDB kwa kuinua wajasiliamali, kuchochea uchumi wa wanawake DAR ES SALAAM:WAZIRI wa Viwanda na Biashara, Judith Kapinga, ameipongeza CRDB Bank kwa kuendelea kuwa mshirika muhimu katika kukuza maendeleo ya wajasiriamali nchini kupitia utoaji wa elimu ya fedha na fursa za mitaji.
Akizungumza katika hafla ya Kitchen Party Gala 2026, ambapo CRDB ilikuwa mdhamini, Waziri Kapinga alisema mchango wa taasisi za kifedha ni muhimu katika kujenga uchumi imara na jumuishi. “Jamii yetu inahitaji maendeleo ya uhakika ya uchumi ili kukabiliana na umasikini pamoja na changamoto nyingine. Ili kufanikisha hili, ushiriki wa kila mmoja ni muhimu. Nawapongeza CRDB na wadhamini wengine kwa kufanikisha hafla ya mwaka huu. Wanawake ni chemchem ya mafanikio ya familia,” amesema.
Katika hafla hiyo, CRDB ilitoa elimu ya fedha pamoja na kuwasilisha fursa mbalimbali za kukuza mitaji kwa wajasiriamali wachanga na wadogo, hatua inayolenga kuwaongezea uwezo wa kifedha, kuboresha usimamizi wa biashara zao na kuongeza ushindani sokoni.
Kwa upande wake, Mkuu wa Kitengo cha Biashara Changa na Ndogo wa CRDB, Agness Kisinini, amesema wanawake wenye kipato halali na uchumi imara ni msingi muhimu wa familia na taifa kwa ujumla. “Benki yetu ina akaunti na bidhaa mahsusi kwa ajili ya mwanamke wa shoka. Nawasihi kutumia huduma hizi ili kufanikisha safari zenu za kiuchumi,” amesema.
Ameongeza kuwa ushiriki wa benki hiyo katika jukwaa hilo unalenga kuimarisha ujumuishi wa kifedha kwa kuwafikia wajasiriamali katika sekta bunifu na zinazoibukia, pamoja na kuongeza uelewa wa huduma za kifedha zinazochochea ukuaji wa biashara ndogo na za kati.
Aidha, amesisitiza umuhimu wa nidhamu ya fedha, uwekezaji sahihi na matumizi ya huduma rasmi za kifedha kama msingi wa mafanikio ya muda mrefu kwa wajasiriamali.
CRDB Bank imeendelea kuamini kuwa majukwaa kama Kitchen Party Gala si tu yanaonesha ubunifu, bali pia ni daraja muhimu la kuwapatia wajasiriamali maarifa, mitandao na rasilimali zinazohitajika kukuza biashara zao na kuchangia maendeleo ya uchumi wa taifa.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more