SERIKALI YAIMARISHA USIMAMIZI NGUMI ZA KULIPWA KULINDA MABONDIA

Serikali Yaimarisha Usimamizi wa Ngumi za Kulipwa Kulinda Maslahi ya Mabondia Na Brigitte DAR ES SALAAM: Serikali imesisitiza kuendelea kuweka mkazo katika usimamizi wa mchezo wa ngumi za kulipwa nchini, ikiwa ni jitihada za kulinda maslahi ya mabondia na kuhakikisha sekta hiyo inawanufaisha vijana kiuchumi.
Akizungumza wakati wa uzinduzi wa tovuti ya Kamisheni ya Ngumi za Kulipwa Tanzania (TPBRC), Katibu Mtendaji wa Baraza la Michezo la Taifa (BMT), Neema Msitha, alisema hatua hiyo inalenga kuimarisha mifumo ya uratibu na kudhibiti masuala ya mchezo huo ili kuondoa changamoto zilizokuwa zikikwamisha maendeleo yake. Ameeleza kuwa uwepo wa tovuti hiyo utaongeza uwazi, ufanisi na uwajibikaji katika sekta ya ngumi, huku ukiwasaidia wadau kufuatilia taarifa muhimu kwa urahisi zaidi.
Kwa upande wake, Mwenyekiti wa Kamati ya Muda ya TPBRC, Patrick Nyembera, alisema kamati hiyo imebaini changamoto mbalimbali katika kipindi cha utekelezaji wa majukumu yake, zikiwemo baadhi ya mabondia kunyimwa haki zao za msingi kama malipo ya kazi zao. Ameongeza kuwa pia kumekuwepo na vitendo vya baadhi ya watu kuwatumia mabondia kujipatia fedha bila ridhaa yao, kuwasafirisha nje ya nchi kinyume cha sheria, pamoja na kughushi nyaraka za kamisheni kwa lengo la kufanikisha vitendo hivyo.
“Tutawasilisha taarifa rasmi kwa serikali ili hatua stahiki ziweze kuchukuliwa dhidi ya wahusika,” alisema Nyembera, akisisitiza kuwa tovuti hiyo itasaidia kudhibiti changamoto hizo. Naye Msitha alionya kuwa serikali haitavumilia ukiukwaji wa taratibu na sheria, akibainisha kuwa tayari hatua zinaanza kuchukuliwa dhidi ya wanaotuhumiwa kuwatumia vibaya mabondia, ikiwemo kuwasafirisha nje ya nchi kinyume cha sheria.
Aidha, amewataka wadau wa mchezo huo kubadilika na kuunga mkono mabadiliko yanayolenga kuimarisha sekta hiyo, akisisitiza kuwa mifumo mipya itaongeza uwazi na uwajibikaji kwa manufaa ya wote.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more