WAGONJWA WA UNENE KUPITA KIASI KUPATA MATIBABU YA KITAALAMU

Wagonjwa wa unene kupita kiasi sasa kupata huduma za kisasa za kitaalamu
Hospitali ya Aga Khan, Dar es Salaam imezindua rasmi Kliniki ya Kisasa ya Uzito Uliopitiliza (Comprehensive Obesity Clinic), hatua inayolenga kusaidia wananchi kudhibiti uzito na kuboresha afya zao kupitia huduma za kitaalamu na za fani mbalimbali. Uzinduzi huo ulifanyika jijini Dar es Salaam, ambapo hospitali hiyo ilieleza kuwa kliniki hiyo imeanzishwa kutokana na ongezeko la changamoto ya uzito uliopitiliza na magonjwa yanayotokana na hali hiyo.
Kliniki hiyo inawakutanisha wataalamu wa afya kutoka nyanja mbalimbali, wakiwemo madaktari bingwa wa magonjwa ya mfumo wa chakula na ini, moyo, mfumo wa homoni pamoja na wataalamu wa lishe, kwa lengo la kutoa huduma jumuishi zinazolingana na mahitaji ya kila mgonjwa. Akizungumza wakati wa uzinduzi huo, Dkt. Masolwa Ngwanasayi amesema uzito uliopitiliza una uhusiano mkubwa na ugonjwa wa mafuta kwenye ini (fatty liver disease), hali inayotokana na changamoto za kimetaboli na mmeng’enyo wa chakula. Ameeleza kuwa wagonjwa wanahitaji tathmini ya kina ya kitabibu ili kupata matibabu sahihi kulingana na hali zao binafsi.
Kwa upande wake, Dkt. Nadeem Kassam amesema uzito uliopitiliza huongeza hatari ya kupata shinikizo la damu, ugonjwa wa mishipa ya moyo, moyo kushindwa kufanya kazi pamoja na kiharusi. “Matibabu ya mapema, uchunguzi wa mara kwa mara na mabadiliko ya mtindo wa maisha ni muhimu katika kuzuia madhara ya muda mrefu ya moyo,” amesema. Naye Dkt. Hanifa Mbithe ameeleza kuwa changamoto ya uzito uliopitiliza inahusiana kwa karibu na hitilafu za homoni na michakato ya kimetaboli mwilini.
Amesema hali hiyo huathiri namna mwili unavyohifadhi mafuta, kudhibiti hamu ya kula na mwitikio wa mwili katika mabadiliko ya mtindo wa maisha, hivyo kuhitaji uchunguzi wa kitaalamu ili kubaini chanzo halisi cha tatizo. Kwa upande wa lishe, Louiza Shem alisema unene ni ugonjwa unaochangiwa na sababu nyingi, zikiwemo mazingira na tabia za ulaji. Amesisitiza umuhimu wa kuwa na mpango endelevu wa lishe bora unaozingatia mtindo wa maisha, utamaduni na aina ya vyakula vinavyopatikana kwa mgonjwa. “Udhibiti wa uzito si ukamilifu, bali ni safari ya maendeleo ya maisha yote,” amesema. Kliniki hiyo itatoa huduma mbalimbali za kisasa zikiwemo:Matibabu ya mfumo wa chakula na homoni, Uwekaji wa puto maalum tumboni (intragastric balloon) Upasuaji wa kupunguza tumbo la chakula (bariatric surgery)Dawa za kusaidia kudhibiti uzitoHospitali hiyo ilieleza kuwa kila mgonjwa atafanyiwa tathmini ya kina ili kuandaliwa mpango maalum wa matibabu unaoendana na historia yake ya afya, mtindo wa maisha na malengo ya kiafya. Kupitia uzinduzi wa kliniki hiyo, Hospitali ya Aga Khan, Dar es Salaam imeendelea kuonesha dhamira yake ya kutoa huduma za kisasa, jumuishi na zinazomweka mgonjwa mbele katika mapambano dhidi ya magonjwa yanayosababishwa na uzito uliopitiliza.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more