BOLT YAZINDUA HUDUMA SCHEDULED RIDES

Bolt Yazindua Huduma ya "Scheduled Rides" na Ufuatiliaji wa Safari za Ndege kwa Ufanisi Zaidi
Dar es Salaam, Tanzania – 30 Aprili 2025 Katika juhudi za kuendelea kuboresha huduma zake za usafiri nchini Tanzania, kampuni ya Bolt imezindua dirisha jipya la kupanga safari mapema (Scheduled Rides), sambamba na huduma ya kisasa ya kufuatilia safari za ndege (Flight Tracking), hatua inayolenga kuongeza ufanisi na urahisi kwa watumiaji wake. Kuanzia jana, wateja wanaotumia programu ya Bolt sasa wanaweza kupanga safari zao za usafiri mapema kwa urahisi kupitia kitufe cha “Schedule” kwenye app. Hii ni sehemu ya maboresho ya kidijitali yanayolenga kuongeza ufanisi na kupunguza usumbufu kwa wasafiri, hasa wale wanaoelekea au kutoka uwanja wa ndege. Akizungumza kuhusu huduma hiyo mpya, Dimmy Kanyankole, Meneja Mkuu wa Bolt Tanzania na Kenya, alisema: "Teknolojia inabadilika kwa kasi na Bolt inaendelea kuwa mstari wa mbele katika kuleta ubunifu unaotatua changamoto halisi za wasafiri. Huduma ya Flight Tracking ni suluhisho la kisasa kwa wateja wanaosafiri kwa ndege, hasa wakati ndege yao inachelewa au kufutwa. App itasasisha muda wa kuchukuliwa kiotomatiki au kufuta safari bila gharama yoyote ya ziada." Kwa kutumia huduma hii mpya, wateja wanaweza kuweka maelezo ya safari ya ndege kama sehemu ya mchakato wa kupanga usafiri kupitia app ya Bolt. Ikiwa ndege itachelewa au kubadilishwa, muda wa kuchukuliwa utarekebishwa moja kwa moja bila kuathiri safari yao. "Kwa mfano, katika nchi kama Ufaransa na Poland, huduma hii tayari inawawezesha wateja kupanga magari ya Bolt kwa vikundi kupitia mashirika ya ndege au mamlaka za miji. Hapa Tanzania, tunaleta teknolojia hiyo ili kusaidia abiria wanaowasili katika uwanja wa ndege wa Julius Nyerere bila kero ya kutafuta usafiri." aliongeza Dimmy. Bolt sasa inatoa huduma ya usafiri katika zaidi ya viwanja vya ndege 30 duniani kote. Kupitia huduma hizi mpya, kampuni inalenga kuchangia katika mapinduzi ya kidijitali kwenye sekta ya usafiri nchini Tanzania.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more