MONGELLA: WANAWAKE TUMUWEKE SAMIA MADARAKANI KULINDA BEIJING

Na Bright DAR ES SALAAM: Mwanasiasa mkongwe na mwanaharakati wa haki za wanawake, Gertrude Mongella, amewahimiza wanawake nchini kuhakikisha Rais Samia Suluhu Hassan anarudi madarakani katika uchaguzi ujao ili kuendeleza na kukamilisha mpango kazi wa kuwawezesha wanawake, unaotokana na maazimio ya Mkutano wa Beijing. Akizungumza leo jijini Dar es Salaam katika maadhimisho ya miaka 30 ya Mkutano wa Beijing, Mongella alisema wanawake wanapaswa kuona nafasi ya kuwa na Rais mwanamke kama agenda yao kuu.
“Ninajivunia sana. Juzi nilikuwa nje ya nchi, nikiona jinsi dunia inavyotazama mafanikio yetu. Sasa tunaye Rais mwanamke, tusipolinda hili kama ajenda yetu, ni bahati tunayoipoteza,” amesema Mongella kwa msisitizo. Aliongeza kuwa kurejea kwa Rais Samia si suala la kisiasa pekee, bali ni suala la kiuchungu kuhusu mwelekeo wa ajenda ya usawa wa kijinsia kama ilivyoainishwa katika Beijing Platform for Action.
“Naomba Samia arudi ili kuimarisha ajenda yetu kwamba mwanamke anaweza. Hili nalisema kwa uchungu wa Beijing, si kwa siasa,” ameeleza. Mongella alionya kuwa kutomchagua Rais Samia ni sawa na kuvunja heshima ya mafanikio ya mkutano wa Beijing. Aidha, alihimiza kuwepo kwa uwiano wa kijinsia katika nafasi za uongozi serikalini, akibainisha kuwa wanawake wana haki ya kumwajibisha Rais baada ya uchaguzi kuhusu utekelezaji wa maazimio hayo.
Pamoja na hayo, Mongella aliitaka Tanzania kuachana na utegemezi wa misaada na badala yake kutumia rasilimali zilizopo kwa maendeleo, huku akihimiza wanawake kutumia elimu walizonazo kwa ubunifu na maendeleo. “Utafutwe mkakati wa kuwawezesha watoto wa kike kutengeneza na kutumia teknolojia. Elimu ya watu wazima irudishwe jioni — twende tukasome TEHAMA — maana dunia inaelekea huko,” alisema. Kwa upande wake, Naibu Waziri wa Fedha, Hamad Chande, aliwataka wanawake kupendana, kupeana fursa, na kusimamia maadili, hasa wakati huu wa mabadiliko ya kisasa. “Matunda ya Beijing ni ongezeko la wanawake katika nafasi za maamuzi. Wengi wao sasa wanafanya kazi kwenye sekta ya kilimo na nyingine, na hivyo wameleta mabadiliko chanya,” alisema. Alisisitiza umuhimu wa elimu kwa vijana, hasa waishio vijijini, na kuwataka wanawake kutimiza wajibu wao kwa kuhimiza amani wakati nchi inaelekea kwenye uchaguzi mkuu. Naye Profesa Penina Mlama kutoka taasisi ya Women Fund Tanzania-Trust alisema mkutano wa Beijing umeleta mageuzi makubwa kwa sababu ulilazimisha serikali nyingi kuingiza usawa wa kijinsia katika sera zao. “Tukumbuke mkutano huu ulikuwa muhimu sana. Tunampongeza mama Mongella kwa kuliongoza kwa umakini hadi kufanikisha tamko moja linalozingatia matakwa ya dunia nzima,” alisema Prof. Mlama.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more