JKCI YASHEREKEA MIAKA KUMI NA KUOKOA MABILIONI KATIKA MATIBABU YA MOYO

Na Brighitte DAR ES SALAAM:TAASISI ya Moyo ya Jakaya Kikwete (JKCI) tangu kuanzishwa mwaka 2015 imeokoa maisha ya watu zaidi ya milioni moja na kuokoa fedha kiasi cha Sh bilioni 172 ambazo zilikuwa zinatumika kupeleka wagonjwa wa moyo nje ya nchi. Akizungumza katika hafla ya kuadhimisha miaka 10 ya utoaji wa huduma za matibabu ya moyo katika Taasisi ya Moyo ya Jakaya Kikwete jijini Dar es Salaam,Mkurugenzi wa JKCI ,Dk Peter Kisenge amesema wanategemea kuokoa maisha ya watu wengi zaidi miaka ijayo hasa katika wakati huu ambao wanajikita katika matumizi ya akili mnembe. Dk Kisenge amesema katika miaka 10 wamefanya maendeleo makubwa hata hivyo bado wanaendelea kupanua huduma za moyo nchi kwa kujenga hospitali ya moyo ya watoto yenye vitanda 100 katika eneo la Mloganzila jijini Dar es Salaam.
"Kwa sasa JKCI siyo tu ni Hospitali ya Tanzania bali ya Africa kwani wagonjwa kutoka nchi za Afrika na nje ya Afrika kama India, Uturuki, China, Ufaransa, Ujerumani, wanatibiwa hapa, hivyo kuifanya JKCI kuikomboa Afrika kwenye masuala ya Moyo”, alisema Dkt. Kisenge Aidha amesema miongoni mwa mafanikio makubwa waliyopata ni kufanya upasuaji wa moyo bila kufungua kifua teknolojia ambayo ni mpya zaidi duniani. "JKCI tumeweza kufanya tafiti mbalimbali ambazo zimesaidia katika kuleta mafanikio ya taasisi, pia tumeajiri watumishi waliokuwa wanafanya kazi Hospitali ya Dar Group ambayo sasa ni tawi la JKCI", amesema Dkt. Kisenge.
Dkt. Kisenge amesema JKCI imetoa huduma za tiba mkoba kwa kuifikia mikoa 16 ya Tanzania na kuwafanyia uchunguzi wa magonjwa ya moyo wananchi ambao wengi wao wasingeweza kuzifuata huduma mahali zilipo. "Tunataka JKCI iwe India ya Afrika kwa kuwa kituo mahiri kwa matibabu ya moyo.zamani wagonjwa wengi walikuwa wanapelekwa South Africa lakini sasa wanaletwa hapa haya ni mafanikio makubwa kwetu,"ameeleza. Amesema JKCI tayari imeingia makubaliano na nchi mbalimbali za Afrika katika matibabu ya moyo na mafunzo kama vile nchi za Zambia,Burkina Faso ,Comoro na wagonjwa wa nje wanaendelea kuja kupata matibabu. Mwakilishi wa Mgeni rasmi katika hafla hiyo Mkuu wa wilaya ya Ubungo , Albert Msando akizungumza kwa niaba ya Waziri Mkuu wa Jamhuri ya Muungano wa Tanzania, Kassim Majaliwa amesema taifa limeshuhudia kupungua kwa matumizi ya fedha za kupeleka wagonjwa nje ya nchi kwa muda wa miaka 10 tangu mwaka 2015 wakati Serikali ilipoanzisha Taaisi hiyo kutoa huduma bingwa bobezi za moyo.
“Serikali ya awamu ya sita kupitia Rais wa Jamuhuri ya Muungano wa Tanzania Mhe. Dkt. Samia Suluhu Hassan ameweza kuwekeza vifaa tiba vya kisasa kurahisisha na kutoa matibabu kuendana na technolojia" amesema Msando Msando amewataka wataalamu wa afya kufanya tafiti ambazo zitatumia lugha rahisi na kuwafikia watu wa kawaida na wadau mbalimbali nchini. Maadhimisho ya miaka 10 ya JKCI imeambatana na Shughuli mbalimbali ikiwa ni pamoja na upimaji wa mgonjwa ya moyo kwa Wanafunzi Mkoani Pwani,upimaji kwa askari polisi na wananchi. Na pia imeandaa midahalo ya afya iliyokutanisha wataalamu wa afya na wanafunzi wa elimu ya sekondari kujadili kuhusu utalii tiba na namna ambavyo matibabu ya moyo yanaenda kuleta utalii tiba nchini. Pia Wataalamu wa afya kutoka hospitali mbalimbali nchini waliweza kushiriki katika mdahalo wa kisayansi na kubadilishana ujuzi mwisho

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more