MBETO HAKUNA WA KUCHUKUWA USHINDI WA CCM ZANZIBAR 2025 -2030

Na Brigitter Zanzibar Chama Cha Mapinduzi (CCM) kimeonyesha kujiamini kwa hali ya juu kuelekea Uchaguzi Mkuu wa Oktoba mwaka huu, kikisema kuwa hakina mashaka na ushindi wake visiwani Zanzibar kwa kipindi cha 2025 hadi 2030, kwa mujibu wa Katibu wa Kamati Maalum ya NEC Zanzibar, Idara ya Itikadi, Uenezi na Mafunzo, Khamis Mbeto Khamis. Akizungumza baada ya uzinduzi wa kampeni za mgombea urais wa CCM, Rais Dk. Hussein Ali Mwinyi, katika Uwanja wa Kumbukumbu ya Mwenyekiti Mao Tse Tung, Unguja, Mbeto amesema hakuna kizuizi chochote kwa CCM kushinda kwa kishindo.
Mbeto ameleza kuwa mafanikio ya Serikali ya Awamu ya Nane chini ya Dk. Mwinyi ndiyo yanayotoa uhakika wa ushindi, akisisitiza kuwa maendeleo yanayoonekana Unguja na Pemba ni uthibitisho wa utekelezaji bora wa sera za CCM. “CCM haina sababu ya kushindwa uchaguzi huu. Kimetekeleza kwa vitendo sera zake kwa ufanisi na viwango stahiki,” amesema Mbeto. Aidha, ameeleza kuwa chama hicho kinaendelea kupata sapoti kubwa kutoka kwa wananchi, kutokana na imani waliyonayo juu ya utendaji wa serikali ya sasa. “Siri ya ushindi wa chama chochote makini cha siasa ni maandalizi ya kimkakati, kioganaizesheni na kujipanga. Tumejiandaa kisawasawa, sasa tuko tayari kwa ushindi wa kidemokrasia,” amesema kwa kujiamini. Mbeto pia alipongeza kazi iliyofanywa na Serikali ya Mapinduzi ya Zanzibar (SMZ) katika kipindi cha miaka mitano iliyopita, akisema kuwa mafanikio katika sekta za elimu, miundombinu, ustawi wa jamii, biashara, utalii, na usafiri wa anga ni miongoni mwa mambo yatakayoipa CCM ushindi mkubwa. “CCM itashinda kwa asilimia 85 ya kura za urais, hivyo mgombea wetu Dk. Mwinyi atarejea tena madarakani kwa ridhaa ya wananchi,” ameeleza. Ameongeza kuwa mafanikio ya kimaendeleo yaliyopatikana yamewavutia siyo tu wananchi wa ndani, bali hata wageni kutoka nje wanaotembelea visiwa hivyo. Kwa mujibu wa Mbeto, ushindi wa CCM si jambo la kubahatisha bali ni matokeo ya kazi ya muda mrefu, uwajibikaji na uongozi thabiti unaoongozwa na Dk. Mwinyi. Mwisho

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more