WANAFUNZI NI MUHIMU KUPATIWA ELIMU YA FEDHA

Elimu ya fedha yatajwa kuwa muhimu kwa wanafunzi kukabiliana na changamoto.
Na Brighitte WADAU wa elimu na maendeleo ya vijana wameeleza umuhimu wa wanafunzi kujifunza elimu ya fedha na ujasiriamali ili kuwajengea uwezo wa kujitegemea, kujikimu katika maisha ya shule na baada ya kuhitimu masomo yao. Wakizungumza katika Bonanza maalum la kuwapongeza wanafunzi waliofanya vizuri katika kutekeleza miradi ya kibiashara kupitia Mradi wa Mshilo Club unaotekelezwa na taasisi ya Her Initiative, wadau hao wamesisitiza kuwa elimu ya fedha kwa wanafunzi ni njia bora ya kukabiliana na changamoto ya ajira.
Mradi huo ulioanzishwa mwaka 2019, unalenga kuwawezesha wasichana kubaki shuleni kwa kuwapatia ujuzi wa elimu ya fedha, ujasiriamali na masoko, ili waweze kuwa na maarifa ya kujikimu katika maisha hata baada ya masomo. Akizungumza katika hafla hiyo, Mkurugenzi wa Her Initiative, Lydia Charles amesema kuwa ujuzi huo huwasaidia wanafunzi kuelewa namna ya kusimamia fedha, kupanga matumizi na kuanzisha biashara ndogondogo.
"Ujuzi huu unawawezesha wanafunzi kujipatia kipato hata wanapokosa ajira baada ya kuhitimu. Tunawafundisha masuala ya fedha, ujasiriamali na masoko ili wajitambue na waweze kujiamini," amesema Lydia.
Kwa mujibu wa Lydia, mradi huo unatekelezwa katika shule kadhaa za kata, zikiwemo: Shule ya Sekondari King’ong’o wamejikita katika kilimo cha mbogamboga, Kiluvya mradi wa kinyozi,Dar es Salaam Girls uzalishaji wa bidhaa za lishe kama pilipili, ubuyu na karanga, Kisaranga utengenezaji wa sabuni za kufulia na kuoshea vyombo.
Hadi sasa, zaidi ya wanafunzi 591 wamenufaika na mradi huo. Mauzo ya bidhaa wanazozalisha yamechangia kutatua changamoto mbalimbali shuleni, zikiwemo upatikanaji wa taulo za kike kwa wanafunzi.
Kwa niaba ya Mkuu wa Wilaya ya Ubungo, Albert Msando, Afisa Tarafa wa Ubungo, Agnes Kyando amepongeza juhudi hizo na kuwasihi wadau wa maendeleo kushirikiana na serikali kuhakikisha miradi kama hiyo inaendelea kusaidia vijana nchini.
"Ujuzi wanaoupata unawasaidia wanafunzi kujitambua, kutumia ubunifu wao kutafuta fursa zilizopo katika jamii na kujiandaa kujitegemea baada ya shule," amesema Kyando.
Katika bonanza hilo, shule zilizofanya vizuri katika kutekeleza miradi yao zilipatiwa zawadi na tuzo. Shule ya Sekondari Kisaranga iliibuka mshindi na kujipatia tuzo pamoja na kiasi cha fedha cha shilingi Milion moja na laki mbili kwa mafanikio yao katika mradi wa sabuni.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more