CRDB WAKUTANA NA MAWAKALA MIAMALA ZAIDI YA MILlONI 200 ZAPITIA KWA WAKALA

Miamala Zaidi ya Milioni 200 Yenye Thamani ya Trilioni 70 Zapitia Mawakala wa Benki ya CRDB Zaidi ya miamala milioni 200 yenye thamani ya takribani Shilingi trilioni 70 imefanyika kupitia mawakala wa Benki ya CRDB nchini kote katika kipindi cha mwaka mmoja. Kati ya kiasi hicho, zaidi ya Shilingi trilioni 3 ni makusanyo ya Serikali yaliyopokelewa kupitia mfumo wa uwakala wa benki hiyo.
Akizungumza leo jijini Dar es Salaam wakati wa kongamano na mawakala wa Benki ya CRDB, Meneja wa Kanda ya Dar es Salaam, Muhinuliza Buberwa, amesema mafanikio hayo yanaonesha jinsi huduma za kifedha kupitia mawakala zinavyochangia kukuza ujumuishi wa kifedha na kuongeza mapato ya Serikali. Buberwa amesema kwa sasa Benki ya CRDB ina zaidi ya mawakala 45,000 nchini, sawa na asilimia 55 ya mawakala wote wa huduma za kifedha nchini.
“Kuwepo kwa idadi kubwa ya mawakala ni jitihada kubwa ya Benki ya CRDB, lakini mafanikio haya yasingepatikana bila ushirikiano wenu mawakala. Kwa sasa, sehemu kubwa ya miamala ya kifedha inapitia mfumo huu wa uwakala,” amesema Buberwa. Ameongeza kuwa, kumekuwa na mapinduzi makubwa katika kipindi cha miaka 12 tangu kuanzishwa kwa huduma za uwakala, hususan kwenye matumizi ya mifumo ya kidijitali na maboresho ya huduma.
Kwa mujibu wa Buberwa, kwa sasa hakuna tofauti kubwa kati ya mteja anayehudumiwa katika tawi la Benki ya CRDB na yule anayepata huduma kupitia wakala, kwani huduma zote muhimu zinapatikana kwa urahisi kupitia mfumo huo. Katika hatua nyingine, Buberwa amesema benki hiyo imezindua huduma bunifu ijulikanayo kama Tokenization, ambayo itawawezesha wateja wa CRDB — hata wale wasio na akaunti — kutoa fedha walizotumiwa kupitia wakala yeyote wa CRDB bila kutozwa gharama ya ziada. “Huduma hii inamwezesha mteja wa CRDB kutuma pesa kwa mtu yeyote, bila kujali kama ana akaunti au la. Mteja ataingia kwenye simu yake, kuchagua sehemu ya ‘tokeni’, kisha kuingiza namba ya simu ya mpokeaji. Mpokeaji atapokea ‘code’ ambayo ataenda nayo kwa wakala wa CRDB na atapatiwa fedha zake,” ameeleza Buberwa. Kwa upande wake, Mkuu wa Kitengo cha Mawakala na Huduma za Malipo wa Benki ya CRDB, Catherine Lutenge, amesema semina hiyo imehusisha zaidi ya mawakala 800 kutoka Wilaya ya Ubungo, ikiwa ni sehemu ya mkakati wa kuwafikia mawakala wote wa Mkoa wa Dar es Salaam na maeneo mengine nchini. Mawakala walioshiriki katika semina hiyo wamesema wamepata elimu muhimu kuhusu matumizi sahihi ya mashine za POS, jambo ambalo wamelitaja kuwa litaboresha ufanisi katika utoaji wa huduma zao.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more