KARIKAKOO YAZINDUA WIKI YA HUDUMA KWA WATEJA

Kariakoo Yazindua Wiki ya Huduma kwa Wateja 2025, Yatangaza Msamaha wa Kodi kwa Wafanyabiashara Walioathirika na Moto Na Brigitter Davis SHIRIKA la Masoko la Kariakoo limezindua rasmi Wiki ya Huduma kwa Wateja ya mwaka 2025 kwa dhamira ya dhati ya kuwasaidia wafanyabiashara, ambapo limetangaza msamaha wa kodi ya pango kwa miezi miwili kwa wamiliki wa maduka yaliyoharibiwa na moto uliowahi kutokea.
Akizungumza katika uzinduzi huo uliofanyika leo jijini Dar es Salaam, Ashiraf Abdulkarim, Meneja Mkuu wa Mipango wa Shirika la Masoko la Kariakoo, alisema wiki hii imelenga kuboresha huduma na kujenga upya imani kwa wafanyabiashara kwa kuhakikisha wanarejea katika biashara kwa usalama na utulivu. “Tumetoa msamaha wa kodi ya miezi miwili kwa wafanyabiashara waliopoteza mali zao kwenye moto. Wiki hii pia inalenga kusikiliza changamoto zao na kuzifanyia kazi kwa haraka,” amesema Abdulkarim.
Ameongeza kuwa maandalizi ya kuwapatia wafanyabiashara maeneo mapya ya biashara yamekamilika, na biashara zilizoathirika zimeruhusiwa kuanza ujenzi upya wakati huu wa msamaha wa kodi. Kwa lengo la kuboresha mazingira ya soko, Abdulkarim alieleza kuwa nafasi zaidi ya 400 za maegesho zimeandaliwa ili kupunguza msongamano na kurahisisha shughuli za biashara.
Kwa upande wake, Omary Yusuf Yenga, Mwenyekiti wa Jumuiya ya Wafanyabiashara wa Dar es Salaam, alisema uzinduzi wa soko jipya la Kariakoo ni mwanzo wa mapinduzi ya kibiashara ndani na nje ya Tanzania. “Biashara haiwezi kustawi bila soko la kisasa. Tunashukuru kwa kuwa na soko lenye miundombinu imara na usalama wa uhakika. Hili litachochea ukuaji wa uchumi wa taifa,” amesema Yenga. Amesifu pia juhudi za kuwawezesha wafanyabiashara kupitia semina za uongozi, akisema mafunzo hayo yataongeza ufanisi na tija kazini.
Severine Mushi, Mwenyekiti wa Wafanyabiashara wa Kariakoo, ametangaza kuwa ofisi rasmi za viongozi sasa zitakuwa ndani ya soko hilo, hatua inayolenga kuongeza uwajibikaji na kuboresha huduma kwa wateja. “Tunataka kukuza uchumi wa taifa kupitia soko hili. Kutokana na changamoto zilizopita, tunapendekeza malipo ya kodi yaanze tena Januari ili kuwapa wafanyabiashara muda wa kujiimarisha,” ameongeza Mushi.
Steven Lusinde, Mwenyekiti wa Chama cha Wafanyabiashara Wadogo (Wamachinga), aliahidi ushirikiano wa karibu na Shirika la Masoko Kariakoo ili kuhakikisha wateja wanapata huduma bora. Katika kumalizia, Happy Njovu, Meneja wa Soko la Kisutu, aliipongeza menejimenti ya Kariakoo kwa juhudi zao za kuboresha mazingira ya biashara. “Tunashukuru kwa soko hili zuri na la kuvutia. Wiki ya Huduma kwa Wateja inaonesha dhamira ya kweli ya Kariakoo katika kuboresha biashara na maisha ya wafanyabiashara wake,” amesema Njovu.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more