BALOZI ZENA AWAHIMIZA WAFADHILI KUWEKEZA MISAADA INAYOBADILI MAISHA

Balozi Zena Ahmed Said Awahimiza Wafadhili Kuwekeza Misaada Inayobadili Maisha. DAR ES SALAAM: Katibu Mkuu Kiongozi wa Serikali ya Mapinduzi Zanzibar na Balozi Mteule (Balozi wa Jamhuri ya Muungano wa Tanzania nchini Saudi Arabia), Mhandisi. Zena Ahmed Said, amewahimiza wafadhili kutoka ndani na nje ya Tanzania kuelekeza misaada yao kwenye miradi yenye tija na inayoweza kubadili maisha ya wahitaji kwa muda mrefu, badala ya misaada ya muda mfupi kama chakula na mavazi pekee.
Akizungumza jijini Dar es Salaam wakati wa hafla ya Iftar Gala iliyoandaliwa na Taasisi ya SETTA (Social Economic Tier of Turkish Alumni) kwa kushirikiana na Ubalozi wa Uturuki nchini Tanzania, Balozi Zena amesema uwekezaji katika sekta muhimu kama elimu, miradi ya kiuchumi na fursa za maendeleo ni njia bora ya kupunguza changamoto zinazowakabili watu wenye uhitaji.
Amesisitiza kuwa misaada ya aina hiyo ina uwezo wa kuleta mabadiliko ya kudumu katika maisha ya jamii na kusaidia kujenga msingi imara wa maendeleo. “Uwekezaji katika elimu, miradi ya kiuchumi na fursa za maendeleo unaweza kusaidia kumaliza changamoto zinazowakabili wahitaji kwa muda mrefu,” amesema.
Aidha, Balozi Zena amesema huu ni wakati mwafaka kwa Uturuki na wadau wengine wa maendeleo kuongeza juhudi za kusaidia Watanzania wenye uhitaji, hususan katika kipindi hiki cha Ramadhani na Kwaresma, ili kuhakikisha msaada unaotolewa unakuwa na manufaa ya kudumu kwa jamii.
Kwa upande wake, Balozi wa Uturuki nchini Tanzania, Dkt. Bëkir GEZËR, amesema lengo la hafla hiyo lilikuwa kuwakutanisha wahitimu wa Kitanzania waliosoma nchini Uturuki pamoja na wadau mbalimbali ili kuimarisha ushirikiano wa kielimu na kijamii.
Ameeleza kuwa tukio hilo pia linalenga kuimarisha mtandao wa mahusiano kati ya wahitimu hao na taasisi mbalimbali kwa ajili ya kuendeleza ushirikiano katika nyanja tofauti za maendeleo. Hafla hiyo ilihudhuriwa na Mgeni Rasmi Mhandisi Zena Ahmed Said, ambaye pia ni Balozi mteule wa Jamhuri ya Muungano wa Tanzania nchini Saudi Arabia, pamoja na Balozi wa Uturuki nchini Tanzania, Dkt. Bëkir Gezer, na wahitimu mbalimbali wa vyuo vya Uturuki wanaoishi Tanzania.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more