CRDB FINALI NDIO MPANGO TEMBO CARD VISA WASHINDI KWENDA KOMBE LA DUNIA

CRDB Yazindua Kampeni ya “Fainali Ndiyo Mpango” kwa Tembo Card Visa, Washindi Kwenda Kushuhudia Fainali za Kombe la Dunia 2026
Benki ya CRDB Bank imezindua rasmi kampeni maalum iitwayo “Fainali Ndiyo Mpango” kupitia matumizi ya Tembo Card Visa, ikiwa na lengo la kuhamasisha wananchi, wadau na wapenzi wa michezo kutumia malipo ya kidijitali katika kufanya manunuzi na kulipia huduma mbalimbali. Kupitia kampeni hiyo, wateja wa benki hiyo watapata fursa ya kujishindia zawadi mbalimbali ikiwemo safari ya kwenda kushuhudia fainali za mashindano ya FIFA World Cup 2026 zitakazofanyika katika nchi za Marekani, Mexico na Canada kuanzia mwezi Juni hadi Julai mwaka huu.
Akizungumza na vyombo vya habari wakati wa uzinduzi wa kampeni hiyo, Mkurugenzi wa Wateja Wadogo na wa Kati wa CRDB Bank, Bonaventure Paul, amesema kampeni hiyo ni sehemu ya juhudi za benki hiyo kuendelea kuhamasisha matumizi ya malipo ya kidijitali pamoja na kuwazawadia wateja wao kwa uaminifu wao. Amesema mpira wa miguu ni zaidi ya mchezo kwani unaunganisha watu kutoka mataifa mbalimbali bila kujali lugha au tamaduni, hivyo benki hiyo imeona ni fursa nzuri kuwapa wateja wake nafasi ya kuwa sehemu ya msisimko wa mashindano ya FIFA World Cup 2026. “Kampeni hii ni sehemu ya jitihada za kuendeleza malipo ya kidijitali, kuleta ubunifu katika huduma za kifedha na kuwazawadia wateja wetu kwa uaminifu wao. Kupitia Tembo Card Visa wateja watapata urahisi na usalama wa kufanya malipo huku wakipata nafasi ya kushinda zawadi mbalimbali,” amesema Paul. Ameongeza kuwa kampeni hiyo itadumu kwa kipindi cha miezi mitatu kuanzia uzinduzi wake hadi Juni 11 mwaka huu, ambapo droo ya mwisho itachezeshwa siku hiyo. Katika kipindi hicho, wateja wanaotumia Tembo Card Visa, Prepaid Card pamoja na Infinity Credit Card watapata nafasi ya kushinda zawadi mbalimbali endapo watafanya miamala isiyopungua 30 kwa mwezi. Hatua hiyo inalenga kuhamasisha matumizi ya malipo yasiyotumia fedha taslimu ambayo ni muhimu katika kukuza sekta ya fedha nchini. Kwa mujibu wa Paul, jumla ya washindi 20 watapatikana katika kampeni hiyo. Washindi 10 watapata safari ya kwenda kushuhudia mechi za FIFA World Cup 2026 huku washindi wengine 10 wakijishindia zawadi za vifaa vya kielektroniki ikiwemo runinga ya kisasa ya inchi 85 pamoja na kisimbuzi. Amefafanua kuwa droo ya kwanza itachezeshwa Aprili 12 ambapo washindi wanne watapata nafasi ya kusafiri kwenda Marekani kushuhudia mechi za Kombe la Dunia, huku washindi watatu wakijishindia runinga na kisimbuzi. Droo ya pili itafanyika Mei 12 ambapo washindi watatu watapata safari ya kwenda Canada na wengine watatu kushinda runinga pamoja na kisimbuzi. Droo ya mwisho itafanyika Juni 11, siku ambayo pia itakuwa hitimisho la kampeni hiyo, ambapo washindi saba watapatikana; watatu watasafiri kwenda Canada kushuhudia mechi za Kombe la Dunia huku washindi wanne wakijishindia runinga na kisimbuzi. Benki hiyo imewataka wateja na wapenzi wa michezo kutumia kikamilifu Tembo Card Visa katika manunuzi yao ya kila siku ili kuongeza nafasi ya kushinda zawadi hizo, ikiwemo safari ya kipekee ya kwenda kushuhudia fainali za FIFA World Cup 2026 pamoja na zawadi nyingine za kuvutia.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more