KAMATI YA BUNGE YAIOMBA SERIKALI KUPANUA ENEO LA JKCI KUIMARISHA HUDUMA

Kamati ya Bunge yaiomba Serikali kupanua Eneo la JKCI na Kuimarisha Huduma za Afya Nchini DAR ES SALAAM KAMATI ya Kudumu ya Bunge ya Afya na Masuala ya Jamii imeitaka Wizara ya Afya kuhakikisha Taasisi ya Moyo ya Jakaya Kikwete (Jakaya Kikwete Cardiac Institute – JKCI) inapatiwa eneo kubwa zaidi ili iweze kupanua huduma zake na kuwahudumia wananchi wengi zaidi.
Akizungumza na waandishi wa habari leo Machi 14, 2026, Mwenyekiti wa Kamati hiyo na Mbunge wa Hai/Meru Magharibi Johaneth Lukumai amesema baada ya kamati kutembelea hospitali hiyo imebaini umuhimu wa taasisi hiyo kupanuliwa ili kuongeza uwezo wa utoaji wa huduma za matibabu ya moyo. Amesema pamoja na kuongeza eneo, pia kuna haja kwa JKCI kuendelea kujitanua na kusogeza huduma zake katika mikoa mbalimbali nchini ili wananchi waweze kupata huduma za afya kwa wakati bila kulazimika kusafiri umbali mrefu kufika Dar es Salaam.
Aidha, Lukumai alibainisha kuwa bado kuna changamoto katika utekelezaji wa baadhi ya mifumo ya ufadhili wa huduma za afya, ikiwemo masuala yanayohusiana na mifuko ya bima ya afya, ambayo yanahitaji kufanyiwa kazi ili kuboresha huduma kwa wananchi. Pia aliiomba Serikali kuipatia JKCI kibali maalum cha kununua dawa zake moja kwa moja ili kurahisisha upatikanaji wa dawa muhimu kwa wagonjwa wanaopatiwa matibabu katika taasisi hiyo.
Kwa upande wake, Naibu Waziri wa Afya Florence Samizi aliwataka wananchi kuwa na utaratibu wa kupima afya zao mara kwa mara ili kugundua mapema magonjwa na kupata matibabu kwa wakati. “Wananchi wasisubiri hadi waumwe ndiyo wakimbilie hospitali. Ni muhimu kuwa na utaratibu wa kupima afya mara kwa mara ili kujua hali ya afya zao na kupata matibabu mapema,” amesema Samizi.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more