MWAKA MMOJA WA MEMBE




Ni mwaka mmoja sasa tangu kutokea kifo cha mwanasiasa mkongwe,Bernard Membe ambapo leo familia yake imefanya misa maalum ya kumbukumbu katika Kanisa la Mtakaifu Joseph Jijini Dar es Salaam.
Akizungumza mara baada ya Misa hiyo maalum, Mjane wa Marehemu Membe, Dorcas Richard amesema kikubwa anachoomba kwa marafiki wa Membe ni kuendelea umoja, upendo na mshikamano aliowaachia marehemu.
“Tarehe rasmi aliyofariki Mzee ni kesho Mei 12, familia ilipanga tufanye misa kijijini alikopumzishwa mzee, lakini kutokana na changamoto za miundombinu na mvua ndio maana tumeamua kuifanya ibada hii hapa St Joseph, lakini na kule kijiji ibada maalum kama hii inaendelea.”amesema Dorcas na kuongeza
Amesema “familia tunawashukuru watu wote walioshiriki na sisi katika kipindi chote cha msiba, wamekuwa bega kwa bega na sisi  hadi katika kuandaa misa hii maalum ya mwaka mmoja, tunaomba ushirikiano huu uendelee, upendo, mshikamano uendelee kuwepo kati ya marafiki, ndugu na jamaa,”amesema
Aidha, amesema kama familia wapo kwenye mchakato wa kuanzisha taasisi maalum kwa ajili ya kuenzi mchango wa marehemu Bernard Membe.



Kwa upande wake Waziri wa Habari , Mawasiliano na Teknolojia ya Habari, Nape Nnauye amesema wamekuwa na siku nzuri ya kutafakari kazi nyingi alizozifanya Hayati Membe nchini hasa katika jimbo la Mtama ambapo ndipo alipozaliwa.
“Tumeandaa Misa kwaajili ya kumkumbuka kaka yetu Bernard Membe ambapo kesho Tarehe 12 atakuwa anatimiza mwaka mmoja tangu afariki, tumekuwa na siku nzuri ya kutafakari kazi nyingi alizozifanya katika nchi yetu, katika jimbo la Mtama alipozaliwa”
“Kuna mambo aliyaanzisha na hapa ndiyo ilikuwa tafakari kubwa, kuna mambo aliyaanzisha kwa kanisa ambalo alikuwa akihudumiwa ikiwemo baadhi ya ujenzi wa makanisa na majengo mbalimbali ya kanisa, ambapo tumekubaliana tuangalie namna ambayo tutazikamilisha Zile ndoto alizozianzisha”
Nape amesema kwa upande wa Mtama, Hayati Membe alikuwa ni muumini wa kubadilisha maisha ya watu kwani wakati wa uongozi wake alikuwa akitamani kila mtu awe na maisha mazuri.
“Alitamani mtu aishi kwenye nyumba nzuri, apate maji safi, na hizi ndizo ndoto ambazo nimeendelea nazo, ndiyo maana tangu aliponiacha tumehakikisha tumesambaza umeme jimbo zima, tumepeleka maji kila mahali, mawasiliano, shule,”amesema Nape na kuongeza
“Na katika kijiji na kata aliyotoka wakati anaondoka hakukuwa na sekondari, hivyo tumejenga sekondari na tukaipa jina lake Benard Membe ili kumkumbuka kuwa alikuwa ni mtu ambaye alipenda kubadilisha maisha ya watu anaowaongoza,”amesema.
Nae Alex Msama ambae ni rafiki wa familia akimzungumzia marehemu Membe amesema wanamshukuru Mungu kwa maisha ya Membe aliyokua amemjalia hadi pale alipomchukua Mei 12, 2023 na kwamba kama marafiki na taifa kuna mengi ambao amewaachia.
“Kwa sisi watu wake wa karibu hatuna budi kuendeleza umoja aliyotuachia siku zote alisisitiza hili, tusameheana tunapokoseana, tusiwe watu wa visasa, tuwe wakweli na kuwa wazalendo, tusiwe  na umimi, tuinue wenzetu ili kupiga hatua kutoka sehemu moja au nyingine na zaidi tusimamie kile tunachokiamini.
“Kikubwa alichotuachia Membe ni kusimamia  kile unachoona ni sahihi kwa ajili ya kulinda na uhifadhi utu wako, kuwa jasiri war oho, hicho ndicho Membe alikisimamia,”amesema. 
Membe alifariki siku ya Ijumaa Mei 12, 2023, majira ya saa tano za asubuhi, taarifa ya kifo cha mwanasiasa mkongwe nchini Tanzania, kutoka Chama cha Mapinduzi, (CCM), ndipo zilipoanza kusambaa kupitia mitandao ya kijamii na vyombo vya habari.
Amefariki asubuhi katika hospitali ya Kairuki, Mikocheni jijini Dar es Salaam, baada ya kupelekwa alfajiri ya siku hiyo kutokana na changamoto ya kifua.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more