WIKI YA AZAKi 2024 YAZINDULIWA KUJIKITA DIRA YA MAENDELEO

 

Wananchi wamehimizwa kupaza sauti zao kikamilifu katika kutoa maoni yatakayosaidia upatikanaji bora wa Dira ya Maendeleo ya Taifa 2050.

Hayo yamesemwa Jijini Dar es Salaam na Mkurugenzi Mtendaji wa Foundation for Civil Society (FCS), Justice Rutenge baada ya uzinduzi rasmi wa Wiki ya asasi za kiraia nchini (AZAKi 2024) itakayofanyika jijini Arusha kuanzia Septemba 9 hadi 13, 2024 ambapo zaidi ya washiriki 500 watahusika.

Maadhimisho ya wiki hiyo yamebeba kaulimbiu ya "sauti, maono na thamani" ikilenga kuwa, licha ya tofauti ya mitazamo na makundi, bado sauti zetu zinapaswa kuwa kitu kimoja ili kurahisisha mchakato wa Dira ya Maendeleo ya Taifa 2050.

Ameongeza kuwa, Wiki ya AZAKi  mwaka huu inafanyika mapema Septemba, tofauti na ilivyozoeleka awali kila ifikapo Oktoba tangu kuanzishwa kwake 2018, lengo likiwa ni kuhamasisha wananchi kushiriki uchaguzi wa Serikali za mitaa.

Kwa upande wake, Meneja wa Vodacom Tanzania Foundation, Sandra Oswald, amesema imekuwa rahisi kushirikiana na FCS kuelekea Wiki ya AZAKi kutokana na kaulimbiu ya mwaka huu kuendana na dhima ya taasisi hiyo kuwa chachu ya maendeleo ya jamii kupitia elimu, afya na teknolojia.

Katika wiki ya AZAKi 2024, kati ya mambo yatakayojadiliwa ni pamoja na njia zinazoweza kuleta thamani halisi na chanya kwa kufikia maono ya pamoja ya mustakabali wa nchi na kuimarisha ushirikiano baina ya sekta binafsi, umma, na asasi za kiraia

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more