WANANCHI WATAKIWA KUJIKINGA NA SHINIKIZO LA DAMU

Wananchi wametakiwa kuchukua hatua za mapema za kinga, uchunguzi na matibabu ya ugonjwa wa shinikizo la juu la damu ili kupunguza madhara yanayosababishwa na ugonjwa huo ambao umeendelea kuwa tishio kubwa kwa afya ya jamii.
Akizungumza katika maadhimisho ya Siku ya Shinikizo la Juu la Damu Duniani, Mkurugenzi Mtendaji wa Taasisi ya Moyo ya Jakaya Kikwete (JKCI), Dkt. Peter Kisenge amesema kuwa kila mwaka ifikapo Mei 17 dunia huadhimisha siku hiyo kwa lengo la kuongeza uelewa wa jamii kuhusu ugonjwa wa shinikizo la juu la damu. Amesema maadhimisho ya mwaka 2026 yanabeba kaulimbiu isemayo: “Kudhibiti Shinikizo la Damu kwa Pamoja: Pima shinikizo lako la damu mara kwa mara, ushinde ugonjwa huu unaoua kimyakimya.” Kwa mujibu wa Dkt. Kisenge, kaulimbiu hiyo inalenga kusisitiza umuhimu wa ushirikiano kati ya jamii, familia, sekta ya afya pamoja na wadau mbalimbali katika kukabiliana na ugonjwa huo.
Ameeleza kuwa shinikizo la juu la damu ni hali inayotokea pale nguvu ya msukumo wa damu ndani ya mishipa inapokuwa kubwa kuliko kiwango kinachotakiwa, hali inayoufanya moyo kufanya kazi kwa nguvu zaidi kusukuma damu kwenda katika viungo muhimu vya mwili kama ubongo, figo, macho na mishipa ya damu. “Ugonjwa huu hujulikana kama muuaji wa kimya kimya kwa sababu unaweza kuendelea kwa muda mrefu bila kuonesha dalili za wazi,” amesema. Hata hivyo amesema baadhi ya wagonjwa wanaweza kupata dalili kama maumivu ya kichwa, kuona kiza, maumivu ya shingo, kutoka damu puani, kupoteza fahamu au kupata kiharusi.
Aidha, amesema ugonjwa huo unaweza kumpata mtu wa umri wowote, wakiwemo watoto. Dkt. Kisenge amesema kuna aina kuu mbili za shinikizo la damu. Aina ya kwanza ni shinikizo la damu la asili ambalo huchangia asilimia 90 hadi 95 ya wagonjwa na mara nyingi halina sababu inayoeleweka moja kwa moja. Aina ya pili ni shinikizo la damu linalotokana na magonjwa mengine kama matatizo ya figo, mishipa ya damu au mfumo wa homoni. Ametaja vihatarishi vya ugonjwa huo kuwa ni pamoja na historia ya ugonjwa katika familia, uzito mkubwa kupita kiasi, matumizi ya chumvi nyingi, kutofanya mazoezi, uvutaji wa sigara, matumizi makubwa ya pombe, ulaji wa vyakula vyenye mafuta mengi pamoja na ongezeko la umri.
JKCI imeeleza kuwa kuongeza uelewa wa wananchi kuhusu afya zao ni sehemu muhimu ya kupunguza mzigo wa magonjwa ya moyo nchini. Kaulimbiu ya “Jua Namba Zako” inalenga kujenga utamaduni wa wananchi kujitambua kiafya mapema kwani hatua ndogo ya kupima afya leo inaweza kuokoa maisha kesho. Pia wananchi wamehimizwa kufanya mazoezi mara kwa mara, kula lishe bora yenye matunda na mboga mboga, kupunguza matumizi ya chumvi na mafuta mengi, kuacha uvutaji wa sigara, kupunguza matumizi ya pombe pamoja na kupima afya mara kwa mara. Kwa wagonjwa wanaotumia dawa za shinikizo la damu, wametakiwa kufuata maelekezo ya wataalamu wa afya, kutumia dawa kwa usahihi na kutositisha matumizi ya dawa bila ushauri wa kitabibu. “Kupima shinikizo la damu mara kwa mara ni hatua rahisi lakini muhimu inayoweza kusaidia kugundua ugonjwa mapema, kuanza matibabu kwa wakati na kuzuia madhara makubwa yanayoweza kuzuilika,” amesema Dkt. Kisenge.

Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more