MADADA POA WAFIKISHWA MAHAKAMANI



WATUHUMIWA 24 kati ya 36 waliokamatwa Kwa kosa la kuuza miili yao maarufu kamà "dada poa" wamefikishwa katika Mahakama ya Hakimu Mkazi ya Sokoine Drive wakikabiliwa na tuhuma za kufanya vitendo venye mazingira ya umalaya.

Akizungumzia mazingira ya shauri hilo  baada ya  kutajwa, Wakili anayetetea kundi Hilo ,Peter Madeleka amesema  Kwa sababu ambazo hazijafahamika watuhumiwa hao pekee ndio walifikishwa Mahakamani hapo.

Amesema watuhumiwa 18 wamefikishwa mbele ya Hakimu Janeth Mgaya na baada ya kusikiliza maelezo upande wa serikali,Hakimu alisema shauri liko wazi Kwa dhamana Kwa ajili ya washtakiwa wote 18 kwa dhamana ya Kila Mmoja kutoa fedha taslimu sh 300,000.

Madeleka amesema  pamoja na dhamana hiyo lakini inadaiwa kuwa Hakimu alikuwa na dhamira ya kuona Haki inakwama na kwa mujibu wa Ibara ya 13(c) na (b) ya Katiba  yeye mwenyewe ameamua kuwalipia dhamana watuhumiwa 18 kwa  kiwango Cha sh milioni 5.4.

Aidha amesema  watuhumiwa wengine watano,wamepewa  sharti kuwa Kila mtuhumiwa anastahili kudhaminiwa na wadhamini wawili wenye barua za serikali za mitaa na kitbulisho Cha Taifa ambao walitimiza masharti na kuwa huru.

Amesema shauri hilo litasikilizwa kesho (Juni 26) katika Mahakama hiyo na kuwataka wapenda haki kufika Mahakamani Ili kupata fursa ya kujua suala la kuuza mwili linafanyikaje na nami mnunuaji na iwapo kama serikali inapata kodi.

Msako wa kuwakamata watuhumiwa hao ilifanyika hivi karibuni katika wilaya ya Ubungo,ikiendeshwa na Mkuu wa Wilaya hiyo ,Hassan Bomboko akiwa na askari polisi.


Comments

Post a Comment

Popular posts from this blog

MATAIFA 8 KUIMBA TAMASHA LA PASAKA

Image
Kuelekea Tamasha la Pasaka mwaka 2024 Alex Msama Mkurugenzi wa kampuni ya Msama Promotion mwaandaaji wa Tamasha hilo amethibitisha waimbaji wa muziki wa injili kutoka mataifa  zaidi ya 8 watakuwepo kwenye Tamasha la Pasaka la mwaka huu. Akizungumza na waandishi wa habari Alex Msama kuwa maandalizi makubwa kuelekea Tamasha hilo yamekwisha fanyika kwa asilimia kubwa na watu wakae mkao wa kula kwani Tamasha la mwaka huu litakuwa na zuri na lenye shangwe kubwa sana kwa wakazi wa mkoa wa Dar es salaam. Tamasha la mwaka huu litafanyika siku ya Jumapili ya Pasaka, huku kauli mbiu ikiwa ni ASANTE MUNGU KWA KUTUPA RAIS SAMIA S HASSAN MCHAPA KAZI
Read more

PIMEA USIKU WA WANA NDOA ULIVYOFANA MSIFICHANE NA KUWEKEANA VITU

Image
‎Wanandoa watashauriwa kuwa na mitoko ya pamoja kujua mwenzio anapenda kula nini kuvaa na kunywa ili kuendelea kudumisha ndoa yao, Ndoa bora ni ushirikiano, siyo mashindano. ‎Akizungumza mwaandaaji wa Usiku huo wa wanandoa The Pinnacle of Mentorship & Excellence Award (PIMEA) Dkt Christine Mbelwa amesema Lengo la Usiku wa Wanandoa nikuwakutanisha na kubadilishana mawazo kuhusiana na kukumbusha baadhi ya mambo ya ndoa. ‎"Moja ya majukumu ambayo Mungu amenikabidhi mimi pamoja na mume wangu ni kujenga ndoa na mahusiano imara kupitia uandishi wa vitabu, semina, makongamano na mafundisho mbalimbali. ‎"Usiku wa Wanandoa ni moja ya jukwaa kuu tunalotumia kwa lengo la kuboresha, kuponya na kuokoa ndoa. Tunawakusanya wanandoa pamoja, kuwapa mafundisho ya vitendo ana kwa ana, kuruhusu maswali na kutoa majibu ya moja kwa moja. ‎ ‎Amesema Zaidi ya mafundisho, wanandoa hupata nafasi ya kufurahi pamoja kwa kushiriki vinywaji, michezo na burudani mbalimbali. Shughuli hi...
Read more

UONGOZI DHAIFU VYATAJWA KUVURUGA TAASISI ZA VIJANA

Image
"Ukosefu wa Fedha, Uongozi Dhaifu Vyatajwa Kuvuruga Uhai wa Taasisi za Vijana" Dar es Salaam. Ukosefu wa fedha, masharti magumu kutoka kwa wafadhili, kutokuwa na maarifa ya kutosha ya uendeshaji wa taasisi na rasilimali zake ni miongoni mwa changamoto zinazochangia taasisi nyingi zinazoanzishwa na vijana kufa kabla ya kufikia malengo yake. Hayo yameelezwa na Mkurugenzi Mtendaji wa taasisi ya Her Initiative, Lydia Charles, katika hafla ya kuhitimisha mafunzo ya uongozi kwa taasisi 20 zinazoongozwa na vijana kupitia programu ya Adaptive Leadership Program chini ya mradi wa Ustawi Lab. Amesema changamoto hizo zimekuwa kikwazo kikubwa kwa vijana wanaotamani kuleta mabadiliko chanya katika jamii kupitia taasisi zao, jambo lililowasukuma kuanzisha mafunzo hayo ya uongozi ili kuwajengea uwezo wa kimfumo na kimkakati. "Tuliona kuna haja ya kuimarisha uwezo wa viongozi vijana kwa kuwapatia mbinu za kukabiliana na changamoto mbalimbali, kuboresha mifumo ya taasisi zao...
Read more